बिएल संवाददाता
काठमाडौं
राष्ट्रिय प्रजातन्त्र पार्टीले प्रतिनिधि सभा बैठक बहिष्कार गर्दै सदनबाट बाहिरिएको छ।
रास्वपा र राप्रपाको अवरोधका बीच सभामुख देवराज घिमिरेले पेलेरै संसद बैठक अघि बढाएपछि आक्रोशित राप्रपा सांसदहरू बैठक नै बहिष्कार गर्दै बाहिरिएका हुन्।
राप्रपा प्रमुख सचेतक ज्ञानेन्द्र शाहीले दादागिरी गरेर सदन नचलाउन आग्रह गर्दै गृहमन्त्रीको राजीनामा र छानबिन समितिको मागबाट पार्टी पछि नहटेको जनाउ दिएका थिए।
रास्वपाले भने बेल घेराउ गर्दै नाराबाजी गरिरहेको छ।
प्रमुख प्रतिपक्षी दल माओवादी केन्द्रले सत्तारुढ नेकपा एमालेसँग दुईबुँदे सहमति गर्दै आन्दोलनका कार्यक्रम फिर्ता लिइसकेको छ। राप्रपा र रास्वपाले भने अवरोध जारी राखेका छन्।
१ .
२ .
३ .
४ .
५ .
