सहकारी ठगी प्रकरणको छानबिन गर्न गठन हुने संसदीय समितिको कार्यादेश (टीओआर) मा ४ बुँदे सहमति भएकाे छ।

सिंहदरबारस्थित कानुन, न्याय तथा संसदीय मामिला मन्त्रालयमा बसेकाे कार्यदलको बैठकले कार्यादेशबारे ४ बुँदे सहमति गरेको हो।

कार्यदलले गरेको सहमति प्रधानमन्त्री पुष्पकमल दाहाल प्रचण्डलाई बुझाएइएको छ।

संसदको गतिरोध अन्त्य गर्नका लागि आवश्यक राजनैतिक सहमतिसहित संसदीय समिति गठन र समितिको कार्यादेश निर्माणका लागि गठित कार्यदलले सिंहदरबार पुगेर प्रधानमन्त्रीलाई प्रतिवेदन बुझाएको प्रधानमन्त्रीका स्वकीय सचिव रमेश मल्लले जानकारी दिए।

साे अवसरमा कार्यदल संयोजक तथा कानुनमन्त्री पदम गिरीले प्रधानमन्त्रीको महत्त्वपूर्ण दिशानिर्देश र सुझबुझपुर्ण नेतृत्वको कारण कार्यदलले सहि रूपमा काम गर्न सकेको बताउँदै जिम्मेवारी प्रदान गरेकोमा प्रधानमन्त्रीसहित नेतृत्वप्रति आभार प्रकट गरे।

प्रधानमन्त्रीले आफ्नो भुमिकालाई कुशलतापुर्वक पूरा गरेकोमा कार्यदल संयोजकसहित सबै सदस्यहरुलाई धन्यवाद दिए।