उपप्रधान तथा गृहमन्त्री रवि लामिछानेले प्रहरीलाई देशकाे कुनै पनि भागमा कसैले गैरकानूनी काममा कसैलाई कारबाही गर्न आफ्नाे आदेश नकुर्न भनेका छन्। मन्त्री लामिछानेले सामाजिक सञ्जाल एक्समार्फत् यस्ताे बताएका हुन्।

देशभरका सम्पूर्ण राष्ट्रसेवक प्रहरीहरुलाई मेरो अपिल भन्दै गृहमन्त्री लामिछानेले भनेका छन्, ‘देशको कुनै पनि भागमा कुनै पनि व्यक्ति वा समूहले गैरकानूनी काम गरेको छ, गैरकानुनी धन्दा चलाएको छ, कर छली गरेको छ, गुण्डागर्दी, धाक धम्की, तस्करीलगायतका अपराध गरेको छ भने त्यसलाई कारबाही गर्न मेरो वा कसैको आदेश कुर्नु पर्दैन।’