बिएल संवाददाता
काठमाडौं
रियालिट शाे 'बिग बोस–१७' को घरमा हात हालेर झगडा गर्ने सदस्यहरूलाई शाेबाट निकाल्ने नियम छ। हालै सन्नी आर्याले अभिषेक कुमारलाई धक्का दिएको कारण बिग बोसले बाहिरकाे बाटो देखाएका थिए। अब फेरि एक पटक अभिषेकका कारण बिग बोसको घरमा दुई प्रतियोगीले धक्कामुक्की गरेका थिए।
'उडारियन' का अभिनेता अभिषेक कुमार बिग बोस–१७ को घरमा प्रतियोगीको रुपमा सामेल भएका छन्। शाेमा अभिषेकले एउटा रणनीति बनाएका छन्। उनी शाेका सबैभन्दा रिसाह सदस्य हुन्।
यसअघि सन्नी आर्या अर्थात तहलका भाइले पनि अभिषेककाे व्यवहारका कारण धकेलेर शोबाट बाहिरिएका थिए। अब बिग बोस स्टार कपल विक्की जैन र अंकिता लोखंडे पनि अभिषेकको फन्दामा परेका छन्।
खासमा अभिषेक कुमार पूर्व प्रेमिका ईशा मालवीयका प्रेमी समर्थ जुरेलसँग भिडिरहेका थिए। र त्यहीबेला अभिषेकले विक्कीलाई निशाना बनाए अनि उनीहरूबीच झगडा सुरू भयाे।
विक्कीलाई भड्काउन अभिषेकले उनलाई पटक–पटक 'चालीस वर्षको मानिस' भनेका थिए। जब अभिषेकले देखे कि उनको शब्दले विक्की जैनलाई कुनै असर गर्दैन, तब अभिषेकले विक्की र अंकितालाई झगडामा तान्ने प्रयास गरे।
अभिषेकले अंकिताका लागि 'पागल', तिमीजस्ताे महिला जस्ता धेरै शब्दप्रयोग गरेका थिए, जुन सुनेपछि अंकिता–विक्की अभिषेकसँग रिसाएका थिए। अभिषेकसँग दुवैको ठूलो झगडा भएको थियो र अभिषेक यो झगडामा अल्झिए।
तर अभिषेकले तुरुन्तै विक्कीलाई धक्का दिए र त्यसपछि बिग बोसको अगाडि गए र भने कि विक्की जैन र अंकिता लोखण्डे, दुबै पति र पत्नीले उनलाई धक्का दिएका छन्।
