BreakNLinks

सोमबार, १८ अगस्ट २०२५

राजनीति

कुलमानको पक्षमा राप्रपाको प्रदर्शन- ‘नेपाली जनताले के भन्छ? कुलमान घिसिङ ले भन्छ’

राप्रपाका सम्पूर्ण संगठनले कुलमान घिसिङलाई हटाइएको विरोधमा प्रदर्शन गरेका छन्। कुलमान घिसिङलाई हटाउने निर्णय गलत भएको भन्दै संगठनहरूले बिहिबार माईतीघर मण्डलामा सरकारविरुद्ध विरोध प्रदर्शन गरेका हुन्। राप्रपाकी केन्द्रीय सदस्य खुस्बु ओलीले कुलमानलाई हटाएर सरकारले एकदमै अन्याय गरेको बताइन्। उनले राम्रो काम गर्नेहरूलाई अपमान गर्ने, राम्रो काम गरेको देख्न पनि नसक्ने जस्तो परिपाटी अहिलेको सरकारले देखाएको भन्दै यसरी सरकारले आफ्नो चरित्र र नैतिकता देखाइरहेको बताईन्।

बिएल संवाददाता

बिएल संवाददाता - काठमाडौं

म प्रधानमन्त्री भएको भए कुलमानलाई हटाउने थिइनँः बाबुराम भट्टराई

नेपाल समाजवादी पार्टी (नयाँ शक्ति)का अध्यक्ष तथा पूर्व प्रधानमन्त्री डा. बाबुराम भट्टराईले कुलमान घिसिङको बर्खास्तीको विरोध जनाएका छन्। उनले राम्रो काम गरिरहेका नेपाल विद्युत प्राधिकरणका कार्यकारी निर्देशक घिसिङलाई केही महिनामात्र कार्यकाल बाँकी रहेका बेला बर्खास्त गर्नु गलत रहेको टिप्पणी गरे। बिहीबार रिपोर्टर्स क्लब नेपाल दाङ शाखाले आयोजना गरेको साक्षात्कारमा बोल्दै उनले आफू सरकारमा भएको भए कुलमानलाई पूरा अवधि काम गर्न दिनेसमेत बताए।

बिएल संवाददाता

बिएल संवाददाता - दाङ

दुर्गा प्रसाईंलाई राजावादी आन्दोलनको ‘कमाण्डरको जिम्मा

राजावादी मोर्चाले दुर्गा प्रसाईंलाई राजसंस्था पुनर्स्थापनाका लागि आयोजना गर्न लागेको संयुक्त जनआन्दोलनको कमाण्डरको जिम्मेवारी दिएको छ। बिहीबार काठमाडौंको चाबहिलमा पत्रकार सम्मेलन गर्दै समितिका संयोजक नवराज सुवेदीले प्रसाईंलाई कमाण्डरको जिम्मेवारी दिइएको जानकारी गराए। चैत १५ गते काठमाडौंको तीनकुनेमा राजावादीले विशाल जनप्रदर्शनको तयारी गरेका छन्। उक्त आन्दोलनको नेतृत्व दुर्गा प्रसाईंले गर्न लागेका हुन्। प्रसाईंले आजै पूर्वराजा ज्ञानेन्द्र शाहसँग निर्मल निवास पुगेर छलफल गरेका थिए। राजावादी मोर्चाका संयोजक सुवेदी पनि आजै शाहलाई भेट्न पुगेका थिए। भेटवार्तापछि आयोजना गरिएको पत्रकार सम्मेलनमा प्रसाईंलाई कमाण्डर तोकिएको जानकारी गराइएको हो।

बिएल संवाददाता

बिएल संवाददाता - काठमाडौं

हितेन्द्रको रिटमा पुगेन रित, सच्याउन सर्वोच्चको अवसर

सर्वोच्च अदालतले नेपाल विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्यलाई रिट सच्याउन अवसर दिएको छ। साढे ३ वर्ष पुरानो मुद्दाको टुंगो लगाउन माग गर्दै बुधबार सर्वोच्चमा रिट लिएर पुगेका शाक्यलाई रीत नपुगेको भन्दै रिट सच्याउन समय दिएको हो।  शाक्यले २०७७ सालमा आफूलाई प्राधिकरणको कार्यकारी निर्देशकबाट ऊर्जा आयोगमा सरुवा गर्ने निर्णय गलत भएको दाबी गर्दै आफूले खाइपाई आएको सेवासुविधा उपब्लध गराउनुपर्ने मागसहित रिट दायर गरेका थिए। सर्वोच्चका रजिस्ट्रार भद्रकाली पोखरेल र शाक्यका पक्षबाट आएका कानुन व्यवसायीसँग भएको छलफलपछि रीट सच्याउन समय दिइएको हो।

बिएल संवाददाता

बिएल संवाददाता - काठमाडौं

आन्दोलनको पूर्वसन्ध्यामा पूर्वराजा भेट्न पुगे दुर्गा प्रसाईं

चैत १५ गते राजावादीहरूको विशाल आन्दोलनको तयारी गरेका छन्। काठमाडौंको कोटेश्वर-तीनकुनेमा गर्न लागिएको जनप्रदर्शनको अघिल्लो दिन राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक मेडिकल व्यवसायी दुर्गा प्रसाईं पूर्वराजा ज्ञानेन्द्र शाहलाई भेट्न निर्मल निवास पुगेका छन्। बिहीबार भएको भेटवार्तामा पूर्वराजासँग आन्दोलनको रोडम्यापबारे छलफल भएको स्रोतले बतायो।

बिएल संवाददाता

बिएल संवाददाता - काठमाडौं

लागुऔषध खाने पैसा नदिएको रिसमा खुकुरी प्रहार गरी भाउजुको हत्या

हेटौंडा उपमहानगरपालिका-१ स्थित चौकीटालमा देवरले आफ्नै भाउजूको हत्या गरेका छन्। राहुल भन्ने २५ वर्षीय रमेश दासले बुधबार भाउजू गुडिया दासको हत्या गरेको जिल्ला प्रहरी कार्यालय मकवानपुरले जनाएको छ। जेठी भाउजू वर्ष ३५ की गुडिया दासलाई टाउकोमा धारिलो हतियार प्रहार गरी हत्या गरेको जिल्ला प्रहरी कार्यालय मकवानपुरका प्रहरी नायव उपरीक्षक श्यामु अर्यालले जानकारी दिए। उनका अनुसार आफ्नै घरको माथिल्लो तलाको कोठामा भाउजुलाई खुकुरी प्रहार गरी हत्या गरेको र भाउजुलाई हत्या गरेपछि बुधबार दिउँसो करिब ४ बजेतिर माइलो दाजु २८ वर्षीय रुपेश दासलाई पनि खुकुरी प्रहार गरेका थिए।

बिएल संवाददाता

बिएल संवाददाता - मकवानपुर

कानुनभन्दा माथि बस्न खोज्ने कर्मचारीलाई सरकारले लगाम लगाउँछ: ऊर्जामन्त्री खड्का

ऊर्जा, जलस्रोत तथा सिंचाइमन्त्री दीपक खड्काले कर्मचारीहरूबीच कानुनभन्दा माथि बसेर आफूलाई स्थापित गर्ने होडबाजी चलिरहेको बताएका छन्। बिहीबार काठमाडौंमा आयोजित कार्बन वित्त लगानीका अवसर सम्बन्धी राष्ट्रिय गोष्ठी समारोहमा उनले कर्मचारीबीच काम गरेर नभई प्रचारबाजी गरेर स्थापित हुने प्रतिस्पर्धा चलिरहेको बताएका हुन्। उनले प्रचारबाजी र मिडियाबाजी गरेर नभई काम गरेर स्थापित हुनका लागि प्रतिस्पर्धा गर्न अन्यथा सरकारले लगाम लगाउने चेतावनीसमेत दिए।

बिएल संवाददाता

बिएल संवाददाता - काठमाडौं

शान्ति सम्झौताका बाँकी काम पूरा गर्न सबै दल तत्पर छौं: देउवा

नेपाली कांग्रेसका सभापति शेरबहादुर देउवाले द्वन्द्वकालमा भएका मानवअधिकार उल्लंघनका घटनाहरूको छानविनमार्फत सत्यतथ्य उजागर गरी न्याय दिलाउन कांग्रेस सुरुदेखि नै प्रतिवद्ध रहिआएको बताएका छन्। बिहीबार संक्रमणकालीन न्यायसम्बन्धी अन्तर्क्रिया कार्यक्रममा बोल्दै उनले पीडितलाई न्याय दिने कुरामा दुई मत नरहेकाले वर्तमान सरकार शान्ति सम्झौताका बाँकी काम पूरा गर्न अघि बढिरहेको बताएका हुन्। उनले भने, ‘द्वन्द्वकालमा भएका मानव अधिकार उल्लंघनका घटनाहरूको  छानविनमार्फत सत्यतथ्य उजागर गरी न्याय दिलाउन नेपाली कांग्रेस सुरुदेखि नै प्रतिवद्ध रहिआएको छ। पीडितलाई न्याय दिने कुरामा कुनै पनि दुई मत छैन। वर्तमान   सरकार शान्ति सम्झौताका बाँकी काम पूरा गर्न अघि बढिरहेको छ।’

बिएल संवाददाता

बिएल संवाददाता - काठमाडौं

ललितपुरको तीनवटा वडा जोड्ने नख्खु खोला पुलको समुद्घाटन

ललितपुर महानगरपालिका वडा नम्बर १४, २६ र २५ जोड्ने नख्खु खोला पुलको उद्घाटन गरिएको छ। बिहीबार ललितपुर महानगरपालिकाका प्रमुख चिरिबाबु महर्जनको उपस्थितीमा नख्खु खोला पुलको समुद्घाटन गरिएको हो। पुल उद्घाटन गर्दै नगर प्रमुख महर्जनले पुल नभएका कारण धेरैले अकालमै ज्यान गुमाएका कारणले धेरै ठाउँमा पुल निर्माणदेखि लिएर शिलान्यास गरिसकेको बताए। उनले नगरपालिका र कर्मचारीहरूको पहिलो प्राथमिकता नगरवासीहरूलाई एउटा सानोतिनो  घाउँ पनि नलागोस् भन्ने उद्देश्यले नै आफूहरू अनवरत रुपमा काम गरिराखेको बताए।

बिएल संवाददाता

बिएल संवाददाता - ललितपुर

तीन दल मिले शान्ति प्रक्रिया टुंगिन्छ, पीडितले न्याय पाउँछन्ः प्रधानमन्त्री

प्रधानमन्त्री केपी शर्मा ओलीले माओवादीले अहिले पनि हिंसालाई ग्लोरिफाई गरिरहेको टिप्पणी गरेका छन्। बिहीबार संक्रमणकालीन न्यायसम्बन्धि राष्ट्रिय सम्मेलनको उद्घाटन समारोहलाई सम्बोधन गर्दै उनले माओवादीका कारण विगतमा नेपालले भोग्नै नपर्ने, अनावश्यक र अनुचित हिंसा भोगेको टिप्पणी गरेका हुन्। माअ‍ोवादीको कारण हजारौं मान्छेहरू भिक्टिम भएको, हजारौंको संख्यामा मान्छेहरूको ज्यान गएको, हजारौं टुहु्रा-टुहुरी भएको बताए। उनले माओवादीले अहिले पनि छुट्टी मनाउने, बाजा बजाउनेजस्ता कुरा गरेर हिंसालाई ग्लोरिफाई गरिरहेको दाबी गरे।

बिएल संवाददाता

बिएल संवाददाता - काठमाडौं

शान्ति प्रक्रिया टुंगोमा पुर्‍याउन ‘पार्टी फुटाउन पनि तयार छु’- प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले टीआरसीमा पीडितहरूलाई सम्बोधन गर्ने कुरा उच्च प्राथमिकतामा राख्नुपर्छ भन्ने विषयमा राजनीतिक नेतृत्व तहमा कहिले विवाद नभएको बताएका छन्। बिहीबार काठमाडौंमा आयोजित संक्रमणकालीन न्यायसम्बन्धी राष्ट्रिय सम्मेलनमा उनले सबै विवाद र विमतीको बीचमा पनि शान्ति प्रक्रिया टुङ्ग्याउनुपर्छ भन्ने कुरामा सैद्धान्तिक रुपमा कहिले विवाद नभएको भन्दै त्यही भएर राजनीतिक द्वन्द्व जस्तो समयमा पनि विधेयक संशोधनको कुरा टुङ्ग्याउन सफल भएको बताए। उनले भने, ‘राजनीतिक नेतृत्वहरू मूलत पीडितहरूलाई न्याय दिने कुरालाई प्राथमिकता दिएर मात्र शान्ति प्रक्रियालाई दिगो बनाउन सकिन्छ भन्ने कुरामा पनि हामी कहिले पनि अन्यौलमा परेनौं। अहिले पनि राजनीतिक दलहरूको बीचमा विवादहरू छन्। प्रमुख दलहरू नै कोही सत्ता पक्षमा छौं कोही प्रतिपक्षमा छौं, विवाद चलिरहेको छ। सदनमा बहस भइरहेको छ, यी सबै विवाद र विमतीको बीचमा पनि शान्ति प्रक्रिया टुङ्ग्याउनुपर्छ भन्ने कुरामा सैद्धान्तिक रुपमा कहिले पनि विवादमा भएनौं। ढिला त भयो र विवादले गर्दा भएको होइन त्यो भन्न मिल्दैन।’

बिएल संवाददाता

बिएल संवाददाता - काठमाडौं

ओली, देउवा र प्रचण्ड एउटै मञ्चमा, ‘हतार छ’ भनेर निस्किए प्रचण्ड

सम्मेलनमा प्रधानमन्त्री एवं नेकपा एमालेका अध्यक्ष केपी शर्मा ओली, नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल (प्रचण्ड) एउटै मञ्चमा देखिएका हुन् । तर, पूर्वप्रधानमन्त्रीसमेत रहेका प्रचण्ड भने समय नभएको भन्दै आफ्नो सम्बोधन सकेर कार्यक्रम स्थलबाट निस्केका छन्। कार्यक्रममा संयुक्त राष्ट्रसंघकी आवासीय प्रतिनिधि हाना सिंगर, सांसदहरू, द्वन्द्वपीडित समुदायका प्रतिनिधिहरू लगायत सहभागी छन्।

बिएल संवाददाता

बिएल संवाददाता - काठमाडौं

पूर्वाधार निर्माणमा ‘भ्रष्टाचार’, अख्तियारले माग्यो सरकारसँग कागजपत्र

अख्तियारको मधेश प्रदेश कार्यालय बर्दिवासले चैत १० गते आइतबार सबै पूर्वाधार विकास कार्यालयहरुलाई पत्राचार गरी विस्तृत विवरण माग गरेको छ। मुख्यमन्त्रीको सचिवालयलगायत सबै मन्त्रालयले १० प्रतिशत कमिसन लिइ उपभोक्ता समिति मार्फत निर्माण कार्य गर्न उद्यत रहेको व्यहोराको उजुरी सम्बन्धमा के कसो भएको हो? माग बमोजिमको कागजातहरु बढीमा १० दिन भित्र उपलब्ध गराइदिन अख्तियारले भनेको छ।

बिएल संवाददाता

बिएल संवाददाता - काठमाडौं

अग्नी सापकाेटालाई प्रश्न, माओवादीले टिआरसीसँग कुलमान साटेकाे हाे?

त्यही दिन बैठक बोलाएर भ्रम पार्न सकिन्छ कि भनेर बेलुका निर्णय गरेर प्रधानमन्त्री केपी शर्मा ओलीले यसरी प्रचार गर्दा आफ्नो नालायकी छोपिन्छ कि भन्ने सोचको हुनसक्छ। तर टिआरसी विधेयक र कुलमानलाई हटाउने कुरा सहमति हुनै सक्दैन्। यो कपोल्कल्पित मात्रै होईन, घृणित प्रचार हो।

बिएल संवाददाता

बिएल संवाददाता - काठमाडौं

ट्रम्पकाे फेरि अर्काे घोषणा : चर्काे करले अमेरिकी ‘कार’ बजार के हाेला?

आगामी अप्रिल २ देखि यो नयाँ कर लागु हुनेछ। यसबाट अमेरिकी उत्पादनले बजार पाउने र आफ्नै नागरिकले रोजगारी पाउने अपेक्षा ट्रम्पको छ। कारसँगै उनले त्यसका लागि चाहिने सबै पार्टपूर्जामा पनि २५ प्रतिशत नै कर लगाउने घोषणा गरेका छन्।

बिएल संवाददाता

बिएल संवाददाता - काठमाडौं

रेभुलेसनको ‘फिस्टे-तोप’ पड्काउँदै ज्ञानेन्द्रपथमा रवि

देशमा राजाको नाममा बेमौसमी बाजा बजिरहेको बेला रवि लामिछानेले रेभुलेसनको फिस्टे-तोप पड्काएका छन्।यो फिस्टे-तोपलाई एक विन्दु मान्ने र उनीसँग सम्बन्धित अरू पनि विन्दुहरू जोड्ने हो भने त्यसले बनाउने रेखा भनेको ज्ञानेन्द्रपथ नै हो ।

बिएल संवाददाता

बिएल संवाददाता - अमेरिका

१५ गतेको प्रदर्शनमा १ लाख समर्थक उतार्ने समाजवादी मोर्चाको तयारी

चारदलीय समाजवादी मोर्चाले जनताको धेरै ठूलो त्याग र बलिदानबाट स्थापना भएको गणतन्त्रविरुद्धमा गरिएको षड्यन्त्रविरुद्ध चैत्र १५ गतेको आन्दोलन गर्ने निर्णय गरेको छ।  बुधबार एकीकृत समाजवादी को कार्यालय आलोकनगरमा बसेको मोर्चाको बैठकले १५ गतेको प्रदर्शनमा १ लाख शुभेच्छुक र समर्थक उतार्ने तयारी गरेको मोर्चाका नेता महेन्द्र राय यादवले बताए। राजधानीका विभिन्न स्थानबाट निकालिएको जुलुस बिहान ११ बजे शान्तिबाटिकामा भेला हुने र त्यहाँबाट भृकुटी मण्डपमा पुगी आमसभामा परिणत गर्ने मोर्चाको तयारी छ।

बिएल संवाददाता

बिएल संवाददाता - काठमाडौं

‘सरकारले केही गर्न सकेन’ भन्ने नकारात्मक भाष्य निर्माण गर्ने प्रयास भयो: गृहमन्त्री

गृहमन्त्री रमेश लेखकले लोकतन्त्र प्राप्तपछि सरकारले देशमा धेरै काम गरेपनि केही गर्न सकेन भन्ने नकारात्मक भाष्य निर्माण गर्ने प्रयास भइरहेको बताएका छन्। भक्तपुरको दुधपाटीस्थित जुद्ध बारुण यन्त्र कार्यालयको नयाँ कार्यालय भवनको उद्घाटन गर्दै उनले लोकतन्त्र प्राप्तिपछि सरकारले केही गर्न सकेन, देशमा केही भएन भन्ने गरी भाष्य निर्माण गर्नु गलत भएको बताए। गृहमन्त्री लेखकले भने, ‘तत्कालिन राजाले ‘कू’ गरेर प्रजातन्त्र समाप्त पारेको दिन जनताले बिर्सनु भएको छैन भन्ने मलाई विश्वास छ। प्रजातन्त्र समाप्त पारेर राज्य सत्ता एकलौटी हातमा लिएपछि सबभन्दा पहिला नेपाली सेना र प्रहरीले सञ्चार माध्यममा छापा मारेर समाचारमा रोक लगाएको, प्रकाशित पत्रिकाहरू बन्द गराउनेदेखि जफत गरेर लगेको, पत्रकारलाई धम्क्याएको, जनताको आवाज बन्द गराएको सिंगो प्रेस जगत र जनताले बिर्सेका छैनन्, त्यसैले यो व्यवस्था चाहिँदैन भनेर नेपाली जनताले भन्नु सक्नुहुन्न।’

बिएल संवाददाता

बिएल संवाददाता - काठमाडौं

देशलाई अप्ठ्यारोमा पार्न खोज्नेलाई युवा संघले ‘बाघले झम्टिए झैं झम्टिन्छ’- ओली

ओलीले युवा संघसँग कति तागत छ भन्ने कुरा मान्छेहरूले आँकलन नै नगरेको भन्दै देश र जनताको लागि परिआएमा यसले प्रतिगामी शक्तिसँग जस्तोसुकै मुकाविला गरेर पनि सक्षमता देखाउने दाबी गरेका हुन्। उनले भने, ‘हामीले लडेर ल्याएको अधिकार खोस्ने तागत कसैको छैन। यो कुरा अझ राम्रोसँग युवाहरूले बताउन सक्छ। देशलाई कसैले अप्ठ्यारोमा पार्न खोजेमा युवा संघले बाघले झम्टिए झैँ झम्टन्छ,’ प्रधानमन्त्री ओलीले भने,‘स्वयंसेवाको यो क्रियाकलाप राम्रो थालनी हो। यस शक्तिलाई व्यवस्थित र मर्यादित रुपमा परिचालन गर्नुस्। पहिलाको युथ फोर्स जस्तै। यो एउटा निःशस्त्र स्थायी टोली होस्, कोही प्रतिगामी शक्ति टाउको जुधाउन आएमा वा विकास विरोधीहरूले हाम्रा काममा अवरोध खडा गरेमा सशक्त प्रतिवाद गरोस्।’

बिएल संवाददाता

बिएल संवाददाता - काठमाडौं

ट्रेन्डिङ