कहाँ लुके दुर्गा? प्रहरी उच्च स्रोत भन्छ- ललितपुरमै छन्
शुक्रबारको हिंसात्मक प्रदर्शनपछि फरार रहेका राजावादी आन्दोलनका कमाण्डर दुर्गा प्रसाईंको खोजीमा प्रहरीले विशेष टोली खटाएको छ। विशेष टोलीको अनुसन्धानमा तीनकुनेबाट भागेका प्रसाईं धर्मगुरु पुष्कर खतिवडाको इमाडोस्थित घरमा लुकेको खुलेको छ। खतिवडाको घरमा खाना खाएर निस्केका प्रसाईंको अवस्था त्यसपछि अज्ञात छ। प्रहरी उच्च स्रोतका अनुसार प्रसाईं ललितपुरबाट निस्केको सुराकी हालसम्म आएको छैन। उनी ललितपुरमै रहेको स्रोतको दाबी छ। उनलाई लुकाउन सहयोग गरेका धर्मगुरु खतिवडा भने पक्राउ परिसकेका छन्। उनलाई शनिबार बिहान प्रहरीले निवासबाटै पक्राउ गरेको थियो। पक्राउ परेका खतिवडाले प्रहरीलाई दिएको वयानमा प्रसाईं आफ्नो घरमा बसेर स्याउ र केरा खाएर निस्केको बताएका छन्।
बिएल संवाददाता - काठमाडौं
.jpg)
