कीर्तिपर अस्पतालले आईसीयूमा दुई दिनदेखि उपचाररत उपप्रधान तथा अर्थमन्त्री विष्णु पौडेल र पोखरा महानगरपालिकाका मेयर धनराज आचार्यको स्वास्थ्य अवस्था सामान्य हुँदै गएको जानकारी गराएको छ।
सोमबार अस्पतालले विज्ञप्ति जारी गर्दै दुवै जनाको जलनको घाउ निको भएको र फोक्सोमा कुनै खराब असर नपरेको जानकारी गराएको हो।
आजै अर्थमन्त्रीलाई अस्पतालबाट डिस्चार्ज गर्ने तर मेयर धनराज आचार्यको पहिलेदेखि नै उच्च रक्तचापको समस्या भएको कारण हृदयरोग विशेषज्ञसँग परामर्श भईरहेकोले केहि दिन थप उपचार हुने जानकारी गराएको छ।
आचार्यसँग हुने भेटघाट पनि संक्रमणको जोखिम कम गर्न हाललाई बन्द गरिएको छ।
