प्रधानमन्त्री केपी शर्मा ओलीले अदालतको अवहेलना मुद्दामा सफाइ पाएका छन्।
बुधबार सर्वोच्च अदालतका न्यायाधीशहरू हरिप्रसाद फुँयाल र नित्यानन्द पाण्डेयको संयुक्त इजलासले ओलीविरुद्धको मुद्दामा मागदाबी नपुग्ने फैसला गरेको हो।
प्रतिनिधि सभा विघटनको मुद्दा संवैधानिक इजलासमा विचाराधीन रहेको तत्कालीन अवस्थामा ओलीले टिप्पणी गरेको र वरिष्ठ अधिवक्ता कृष्णप्रसाद भण्डारीलाई लक्षित गरेर अभिव्यक्ति दिएको आरोपमा सर्वोच्चमा अदालतको अवहेलना मुद्दा दायर भएको थियो।
वरिष्ठ अधिवक्ता कुमार शर्मा आचार्य र अधिवक्ता कञ्चनकृष्ण न्यौपानेले ०७७ माघ १३ गते अवहेलनाको निवेदन दायर गरेका थिए।
