सुनसरीको धरान–तरहरा सडक खण्डको सेउती पुलमा गोली हानी एक जनाको हत्या भएको छ। लुटेरा समूहको गोली प्रहारबाट विराटनगरका रोहित चौधरीको मृत्यु भएको हो।
गोली लागेर गम्भीर घाइते भएका चौधरीलाई उपचारका लागि बीपी प्रतिष्ठान ल्याइएको थियो। उनको प्रतिष्ठानको आकस्मिक कक्षमा उपचारको क्रममा मृत्यु प्रहरीले बताएकाके छ।
धनकुटाको मूलघाटबाट विराटनगर आउँदै गरेका विराटनगर–५ का २८ वर्षीय चौधरीमाथि अपराह्न हतियारधारी समूहले लुटपाट गरेको थियो।
गोली प्रहार गरी लुटपाट गरिएका चौधरीको साथबाट मोबाइल र पैसा लुटेर लुटेरा समूह फरार भएका छन्। तीन जनाको समूह बनाएर आएका लुटेराहरुमध्ये २ जनासँग खुकुरी र एक जना सँग पेस्तोल रहेको बताइएकाके छ।
