कालीकोटमा जीप दुर्घटना हुँदा श्रीमान–श्रीमतीको मृत्यु भएको छ। दुर्घटनामा एक जना गम्भीर घाइते भएका छन्।
मृत्यु हुनेमा रास्कोट नगरपालिका– १ का ४३ वर्षीय मनबहादुर शाही र ३६ वर्षीया मनकुमारी शाही रहेका छन्। उनीहरु श्रीमान–श्रीमती रहेको नगरप्रमुख धर्मराज शाहीले बताए।
दुर्घटनामा रिताकुमारी शाही गम्भीर घाइते भएकी छिन्। उनको अहिले स्थानीय अस्पतालमा उपचार भइरहेको छ भने थप उपचारका लागि बाहिर पठाउने तयारी भइरहेको जिल्ला प्रहरी कार्यालय कालीकोटका प्रमुख डिएसपी जयश्वर रिमालले जानकारी दिए।
बिहीबार बिहान रास्कोट नगरपालिका– २ सेरामा ग३च ४६१० नम्बरको जीप दुर्घटनामा परेको हो। बसपार्क नजिकै जीप मोड्ने क्रममा सडकबाट करिब ३०० मिटर तल खसेको छ।
