तान्त्रिक यौनको अवधारणा प्राचीन हिन्दू धर्म र तन्त्रको वरिपरिका विचारहरूबाट आएको हो। अध्यात्मवादमा केन्द्रित धार्मिक ग्रन्थहरूबाट तन्त्र कोरिएको छ। तान्त्रिक यौन यौनको एक सुस्त, ध्यानात्मक रूप हो, जहाँ अन्तिम लक्ष्य चरमसुख नभएर यौन यात्रा र शरीरको संवेदनाहरूको आनन्द लिनु हो। यसको उद्देश्य उपचार, रूपान्तरण र आत्मज्ञानको लागि शरीरभरि यौन ऊर्जा प्रवाह गर्नु हो।

तान्त्रिक यौनले शीघ्र स्खलन, इरेक्टाइल डिसपक्शन वा एनोर्गास्मियाजस्ता यौन जटिलताहरुको समाधान गर्न सहयोग गर्छ।

आफ्नो शरीरलाई चिन्नु

तान्त्रिक यौनले मानिसहरूलाई आफ्नो शरीरलाई चिन्न र उनीहरूसँग घुलमिल हुन प्रोत्साहित गर्छ। आफ्नो शरीरको इच्छालाई बुझेर पार्टनरसँग यौन सम्पर्क गर्दा यसलाई अपनाउन सकिन्छ। यसले अधिक यौन सन्तुष्टि र अधिक तीव्र चरमसुख प्रदान गर्छ।

शरीरले के चाहन्छ भन्ने कुरा बुझ्न तान्त्रिक आत्मप्रेम वा हस्तमैथुनमा संलग्न हुनु उपयोगी हुन सक्छ।

यदि कुनै व्यक्तिले आत्मस्पर्शको वरिपरि भावनात्मक ब्लकहरू छन् भनेर पत्ता लगायो भने उनीहरूले आफैसँग जिज्ञासु र कोमल हुनुपर्दछ। किनकि, उनीहरूले आफ्नो शरीरलाई अझ नजिकबाट चिन्नबाट के कुराले समस्या पारेको छ भनेर अन्वेषण गर्छन्। मानिसले आफ्नो शरीर र आनन्दको क्षेत्रबारे जति धेरै जान्दछ, त्यति नै सन्तोषजनक यौन अनुभव प्राप्त गर्ने सम्भावना बढी हुन्छ।

यदि कसैले हस्तमैथुन गर्न चाहँदैन र उसको पार्टनर छ भने पार्टनर सेक्सको माध्यमबाट आफ्नो शरीरको बारेमा सिक्न यसलै अझै सहज महसुस गराउँछ।

आफ्नो पार्टनरको शरीरलाई चिन्नु

तान्त्रिक यौन भनेको आफ्नो शरीर र साथीका  शरीरको सम्मान गर्नु हो। आफ्नो शरीर र आफ्नो साथीको शरीरलाई चिन्न समय निकाले यसले दुवै व्यक्तिहरूको लागि अनुभव गर्न मद्दत गर्न सक्छ।

कुनै व्यक्तिले आफ्नो शरीरको बारेमा जान्न र आफ्नो यौन शक्ति जगाउन मद्दत गर्न आफ्नो पार्टनरलाई बिस्तारै मालिस गरेर सहयोग गर्न लगाउन सक्छ। यसले व्यक्तिलाई आफ्नो पार्टनरको इच्छा र चाहनाअनुसार चल्न पनि मद्दत गर्छ।

कुनै पनि यौन गतिविधिमा जस्तै कुनै पनि बिन्दुमा कुनै व्यक्ति वा उनीहरूको पार्टनर असहज हुन्छ भने यस्तो गतिविधि बन्द गर्नुपर्छ।

कसरी तयारी गर्ने

कुनै व्यक्ति वा दम्पतीले तान्त्रिक यौन सम्बन्धको तयारीका लागि निम्न काम गर्न सक्छन्:

तान्त्रिक यौनसम्बन्धको विषयमा जति धेरै ज्ञान हुन्छ, त्यति नै उसलाई तयार महसुस हुन्छ। त्यसको लागि यसका विधि जान्नु आवश्यक छ।

तान्त्रिक यौन बिस्तारै र लामो समयसम्म गर्नुपर्ने प्रक्रिया हो। कुनै कुनै अवस्थामा यो एक घण्टा वा त्योभन्दा बढी समयसम्म रहन सक्छ। तसर्थ, पूर्ण तवरमा संलग्न हुन र अनुभवको आनन्द उठाउन केही समय छुट्याउन निश्चित हुनुहोस्।

यदि कुनै व्यक्ति तनावको अनुभव गरिरहेको छ वा उसको दिमागमा धेरै कुराहरू खेलिरहेका छन भने त्यस्तो अवस्थामा यसमा ध्यान केन्द्रित गर्न गाह्रो हुन सक्छ। त्यसैले तान्त्रिक यौन सम्बन्ध राख्नुअघि ध्यान वा स्ट्रेचिङ गर्नाले स्पष्ट तरिकाले मानसिक रुपमा तयार हुन सकिन्छ।

तान्त्रिक यौनमा वातावरणको महत्वपूर्ण भूमिका हुन्छ। यो एकदमै आरादायी स्थानमा बसेर गर्नुपर्छ। त्यसको लागि बत्ती वा सुगन्धित मैनबत्ती बाल्न र आरामदायी सङ्गीत बजाउनु उचित हुन सक्छ।

विधि

तान्त्रिक यौन सम्बन्ध कायम गर्न दम्पतीले खुट्टा बाँधेर बस्नुपर्छ र एकअर्काको सामना गर्नुपर्छ। दुवै पार्टनरले आफ्नो दाहिने हात अर्काको मुटु (छाती)मा राख्नुपर्छ भने बायाँ हात पार्टनरको मुटुमाथि राख्नुपर्छ। यस्तो आसन अपनाउनुहोस् र बिस्तारै सास फेर्न प्रयास गर्नुहोस्।
सामान्यतया यौन गतिविधिहरू फोरप्ले, सम्भोग र चरमसुखको स्क्रिप्ट पछ्याउन सकिन्छ।

आँखाको सम्पर्क (कामुक हेराइ)ले सम्बन्धलाई अझ प्रगाढ बनाउन र आत्मीयता बढाउन मदत गर्न सक्छ।

तान्त्रिक यौन ध्यान हो र क्षणमा संवेदनाहरूको अन्वेषण गर्नु हो। त्यसैले यो प्रक्रिया ढिला र रमाइलो गरी गर्न सकिन्छ।

श्वासप्रश्वास विधि

श्वासप्रश्वास तान्त्रिक यौन सम्बन्धको अभिन्न अङ्ग हो। यसको आंशिक कारण तान्त्रिक यौन ध्यानको वरिपरि घुमेको छ।

तान्त्रिक यौनको क्रममा डायाफ्रामको माध्यमबाट गहिरो श्वासप्रश्वासमा ध्यान दिनुपर्छ। यो प्राप्त गर्न तिनीहरूले पाँच गणनाको लागि नाकमार्फत एक गहिरो सास लिनुपर्छ। तिनीहरूले आफ्नो पेट फुलाएको महसुस गर्नुपर्छ। त्यसपछि तिनीहरूले पाँच गणनाको लागि मुखबाट सास छोड्नुपर्छ।

मानिसहरूले प्रयास गर्न सक्ने अर्को श्वास विधि कपालभाटी हो। कपालभाटीले पुरुषमा स्खलनलाई लम्बाउन मद्दत गर्छ। जब कुनै पुरुषले आफू वीर्य स्खलन हुन लागेको महसुस गर्छ, उसले जबर्जस्ती मुखबाट सास फेर्नुपर्छ, त्यसपछि मुखबाट स्वचालित श्वास लिनुपर्छ।

पोजिसन (आसन)

तान्त्रिक यौनको समयमा मानिसहरुले अभ्यास गर्न सक्ने धेरै पोजिसन (आसन)हरु छन्।

याब युम

याब युममा एक साथी आफ्नो खुट्टा पार गरेर बस्छ र अर्काे साथी आफ्नो साथीको काखमा बस्छ। उनीहरूको कम्मरमा खुट्टा लपेटेर। त्यसपछि पार्टनर अंगालिन थाल्दछन् र उनीहरूको सासलाई समक्रमण गर्ने प्रयास गर्छन्। यदि पार्टनरले चाहेको खण्डमा आफ्नो यौनांगलाई एकअर्काले खेलाउन पनि सक्दछन्। र, उनीहरुले यौन सम्पर्क गर्न पनि सक्छन्।

हस्तमैथुनका लागि पनि यो आसन उपयुक्त हुन्छ। एक व्यक्ति आफ्नो ढाड सिधा राखेर क्रस लेग बस्न सक्छ, आफ्नो घुँडामा आफ्नो हत्केला राख्न सक्छ र गहिरो सास फेर्न सुरु गर्न सक्छ।

कुनै व्यक्तिले आफ्नो शरीरको बारेमा अझ बढी जान्नको लागि ऐनाको अगाडि यो अभ्यास गर्न सक्छन्।

सुस्त स्पर्श

यो आसनका लागि एक पार्टनर ओछ्यान वा भुइँमा खुट्टा सिधा राखेर बस्छन्। त्यसपछि अर्काे पार्टनर घुँडा टेकेर पार्टनरको काखमा बस्छ। त्यसपछि माथिको पार्टनर बिस्तारै पछाडि झुक्छ र आफ्नो पार्टनरको खुट्टाको बीचमा आफ्नो टाउको राख्छ। तान्त्रिक यौन एक ध्यानात्मक यौन अभ्यास हो, जसले मानिसहरूलाई मन शरीर सम्बन्धहरूमा ध्यान केन्द्रित गर्न प्रोत्साहित गर्दछ। यसले यौन अनुभवहरू पूरा गर्न र अधिक आत्मीयताको सहयोग गर्छ।