कान्तिपुर दैनिकका प्रधान सम्पादक सुधीर शर्मा आजदेखि जिम्मेवारी मुक्त भएका छन्। भोलिदेखि लागू हुने गरी पत्रिकाको प्रधान सम्पादकमा उमेश चौहान नियुक्त भएका छन्।

प्रधान सम्पादक शर्माले दिएको राजीनामा स्वीकृत गर्दै कान्तिपुर व्यवस्थापनले चौहानलाई आइतबार नयाँ प्रधान सम्पादकको जिम्मेवारी दिएको हो। दुई दशकभन्दा बढी समयदेखि पत्रकारितामा संलग्न चौहान दुई वर्षदेखि कान्तिपुरको सम्पादकको रुपमा कार्यरत थिए।

सुधीरको ठाउँमा उमेशलाई जिम्मेवारी दिएपछि कान्तिपुरको सम्पादक हाललाई खाली राखिएको छ।

त्यस्तै, खर्च कटौतीको नाममा कान्तिपुर मिडिया ग्रुपले व्यापक मात्रामा कर्मचारी र पत्रकार कटौती गरेपछि श्रमजीवी पत्रकार संघ नेपालले आन्दोलनको तयारी थालेको छ।