जसरी चराहरूले त्यस्तो रूखमा गुँड बनाउँदैनन्, जुन रूखले फल दिँदैन। त्यसैगरी नागरिकहरूले पनि त्यस्तो प्रशासनलाई विश्वास गर्दैनन् जुन प्रशासन कमजोर हुन्छ। ईपू ३७५ वर्ष अगाडि जन्मेका पूर्वीय दार्शनिक चाणक्यको यो भनाइ आजपर्यन्त उत्तिकै सान्दर्भिक छ, व्यावहारिक छ।
सरकारको नीति र निर्णयलाई प्रभावकारी रूपमा कार्यान्वयन गर्ने जिम्मेवारी बोकेकोे प्रशासन संयन्त्रले यस यथार्थतालाई गम्भीरतापूर्वक लिन सकेन भने स्थायी सरकारको रूपमा सम्मान पाएको प्रशासनले जनविश्वास गुमाउने मात्र होइन, जनताको नजरमा निर्वाचित सरकारलाई समेत तल झार्छ। सरकार र जनताको बिचमा सद्भाव हराउँछ, दूरी बढ्छ। अन्त्यमा सरकार अविश्वसनीय व्यक्तिहरूको झुन्ड बन्न पुग्छ।
