बैतडीमा टिपर दुर्घटना हुँदा पाँच जना विद्यार्थीको मृत्यु भएको छ। मृतकको परिचय खुल्न सकेको छैन। पाटन नगरपालिका-३ स्थित झालीमाली भिरबाट ट्रिपर खस्दा टिपरमा सवार विद्यार्थीको मृत्यु भएको हो।
उक्त टिपरमा सिगास माविका विद्यार्थीहरु रहेको बुझिएको छ। घटनाको थप विवरण आउन बाँकी रहेको छ भने अहिले प्रहरी घटनास्थलतर्फ गइरहेको छ।
दुर्घटनामा पाँच विद्यार्थीको मृत्यु भएको सुन्नमा आएको पाटन नगरपालिकाका उपप्रमुख सरस्वती कोलीले बताइन्। अहिले आफू घटनास्थलतर्फ गइरहेको उनले बताइन्।
