फ्रान्सेली विदेश मन्त्रालयले शुक्रबार इरानको हालैको अन्तरिक्ष प्रक्षेपणबाट चिन्तित भएको जनाएको छ। मन्त्रालयले भनेको छ यो त्यस्तो समयमा आएको थियो जब तेहरानसँग आणविक वार्ता प्रगतिको सङ्केत देखिरहेको थियो।

‘फ्रान्सले यो प्रक्षेपणको निन्दा गर्दछ, जुन संयुक्त राष्ट्रसंघ सुरक्षा परिषद्को प्रस्ताव २२३१ अनुरूप छैन,’ एक मन्त्रीका प्रवक्ताले इरानलाई आणविक-सक्षम ब्यालिस्टिक मिसाइल प्रविधिमा काम गर्न रोक्नको लागि संयुक्त राष्ट्रसंघको आह्वानलाई उल्लेख गर्दै उक्त टिप्पणी गरेका हुन्। इरानले बिहीबार एक स्याटेलाइट प्रक्षेपण रकेटले सफलतापूर्वक तीन अनुसन्धान उपकरणहरू स्थापना गरेको छ जुन जर्मनी र संयुक्त राज्य अमेरिकाबाट आलोचना भएको छ।

फ्रान्सले इरानी ब्यालिस्टिक क्षेप्यास्त्र र अन्तरिक्ष कार्यक्रमहरूलाई ‘टेक्नोको निकटताू को कारण ओभरल्यापिंगको रूपमा हेरेको जनाएको छ। अन्तरिक्ष प्रक्षेपणमा इरानी रक्षा मन्त्रालयको संलग्नताले उनीहरुको ‘निकट सम्बन्धू लाई थप प्रमाणित गर्दछ।

प्रवक्ताका अनुसार यी गतिविधिहरू अत्यन्तै खेदजनक छन् किनभने तिनीहरू यस्तो समयमा भएका थिए जब हामी भियनामा आणविक वार्तामा प्रगतिको सम्भावना देखिरहेका छौं।

सन् २०१८ मा अमेरिका बाहिरिएपछि सन् २०१५ को सम्झौतालाई बचाउन इरान र विश्व शक्तिहरूबीचको पछिल्लो चरणको वार्ता सोमबार भियनामा शुरु भएको छ। इरानी मुख्य वार्ताकार अली बगेरीले उनीहरूले सन्तोषजनक प्रगति गरिरहेको बताएका छन्।