आफू पक्षधर सांसद्हरुलाई सामूहिक राजीनामाका लागि सिंहदरबारमा डाकेका माधवकुमार नेपाल स्वयम् प्रधानमन्त्री केपी शर्मा ओलीका प्रतिनिधिका रुपमा अर्थमन्त्री विष्णु पौडेल र सुवास नेम्वाङसँग छलफलमा बसेका छन्।
सिंहदरबारस्थित लेखा समितिको हलमा उक्त छलफल भइरहेको छ । छलफलमा पूर्वप्रधानमन्त्री नेपालसहित उनी पक्षका योगेश भट्टराई सहभागी छन् भने प्रधानमन्त्रीका तर्फबाट अर्थमन्त्री पौडेल र संसदीय दलका उपनेता सुवास नेम्वाङ छन् ।
राजीनामा गर्न भनी पुगेका नेपाल पक्षधर सांसद्हरु भने शिक्षा समितिको हलमा बसेर छलफल गरिरहेका छन् । सांसद्हरु अर्थ समितिको हलमा बस्न भनी गएको भए पनि सो कक्षमा ताला लगाइएकाले शिक्षा समितिको हलमा बसेको एक सांसद्ले जानकारी दिए ।
.jpg)
