संघीय संसदका विपक्षी दलहरूले आज(बिहीबार) गर्ने भनिएको संयुक्त पत्रकार सम्मेलन स्थगित भएको छ।

बिहीबार गर्ने भनिएको पत्रकार सम्मेलन भोलि(शुक्रबार) दिउँसो ३ बजेका लागि सारिएको  हो। 
हिजो बसेको विपक्षी दलको संयुक्त बैठकले संसदको हिउँदे अधिवेशन बोलाउन सरकारसँग माग गर्ने सहमति जुटाएसँगै आज पत्रकार सम्मेलनको तयारी गरिएको थियो।

पत्रकार सम्मेलनको तयारीका लागि नेकपा माओवादी केन्द्रका नेता बर्षमान पुन र नेकपा एसका नेता बेदुराम भुषालको दुई सदस्यीय कार्यदल बनाएको छ। कार्यदलले समयमै ड्राफ्ट तयार गर्न नसकेपछि आजको पत्रकार सम्मेलन स्थगित भएको हो।

पत्रकार सम्मेलनमा विपक्षी दलका शीर्ष नेताहरूले सम्बोधन गर्ने छन्।