नवलपरासी पश्चिमका एक कोरोना भाइरस संक्रमितको मृत्यु भएको छ।
सुनवल नगरपालिका ४ का ७७ वर्षीय पुरुषको कोरोना विशेष अस्पताल बुटवलमा बुधबार बिहान मृत्यु भएको हो।
असोज २६ गते लुम्बिनी प्रादेशिक अस्पतालको इमर्जेन्सी वार्डमा भर्ना भएका उनमा श्वास प्रश्वासमा समस्या थियो। उनको भोलिपल्टै कोरोना परीक्षण गर्दा रिपोर्ट पोजेटिभ आएको थियो।
कोरोना पुष्टि भएपछि बुटवल धागो कारखानामा सञ्चालित कोरोना विशेष अस्पतालको आईसीयूमा राखेर उपचार थालिएको थियो।
उनको उपचारको क्रममा बिहान २ बजे मृत्यु भएको अस्पतालका सूचना अधिकारी डा विष्णु गौतमले जानकारी दिए। उनी मुटु रोगीसमेत रहेको डा गौतमले बताए।
