मोरङको विराट शिक्षण अस्पतालमा उपचाररत एक कोरोना संक्रमित पुरुषको मृत्यु भएको छ ।
अस्पतालका आइसोलेसन इन्चार्ज सुनिल देवका अनुसार मोरङ सुन्दरहरैचा नगरपालिका ३ का ४३ वर्षीय पुरुषको मंगलबार बिहान ८ बजे १० मिनेटमा उपचारकै क्रममा मृत्यु भएको हो।
उनलाई श्वासप्रश्वासमा समस्यादेखिएसँगै शनिबार अस्पतालमा भर्ना गरिएको थियो । आइसोलेसन इन्चार्ज देवका अनुसार अस्पतालमा भर्ना गर्ने क्रममा पुरुष बेहोस अवस्थामा रहेका थिए ।
पिसिआर परीक्षण गराउँदा रिपोर्ट पोजिटिभ आएपछि उनलाई विराटकै कोभिड अस्पतालमा भर्ना गरि उपचार सुरु गरिएको थियो। उपचारकै क्रममा उनको मृत्यु भएको हो।
