चितवन मेडिकल कलेजमा उपचारका क्रममा कोरोना भाइरसको सङ्क्रमणका कारण एक युवाको मृत्यु भएको छ ।
तनहुँको आँबुखैरहनी नगरपालिका वडा नम्बर ३ का ३९ वर्षीय युवाको मृत्यु भएको अस्पतालले जनाएको छ। अस्पतालका निर्देशक डा. दयाराम लम्सालका अनुसार उनको बुधबार राति १ बजेतिर मृत्यु भएको हो ।
डायलासिस गराउन भदौ २९ गते अस्पताल आएका उनमा गत भदौ ३१ गते कोरोना देखिएको थियो। कोरोना सङ्क्रमणसँगै अस्पतालको सघन उपचार कक्षमा उनको उपचार भइरहेको थियो । उपचारका क्रममा राति उनको मृत्यु भएको हो ।
