पछिल्लो २४ घण्टामा मुलुकमा थप १५३९ जनामा कोरोना संक्रमण देखिएको छ। यससँगै नेपालमा कोरोना संक्रमित हुनेहरूको संख्या ५८३२७ जना पुगेको छ।
स्वास्थ्य तथा जनसंख्य मन्त्रालयको नियमित मिडिया ब्रिफिङमा दिएको जानकारी अनुसार पछिल्लो २४ घण्टामा १०६८ जना निको भएर घर फर्किएका छन्। यससँगै हालसम्म कोरोना संक्रमण मुक्त हुनेको संख्या ४१७०६ पुगेको छ। यो ७१.५ प्रतिशत हो।
हाल मुलुकमा १६२४२ जना कोरोनाका सक्रिय संक्रमितहरू रहेका छन्। त्यसमध्ये ८५४१ जना संस्थागत आइसोलेसनमा र ७७०१ जना होम आइसोलेसनमा रहेका छन्। हाल क्वारेन्टिनमा ७८२० जना रहेका छन्।
पछिल्लो २४ घण्टामा १०४९४ वटा नमूना पीसीआर परीक्षण भएको छ।
पछिल्लो २४ घन्टामा थप ८ जना कोरोना संक्रमितको ज्यान गएको छ। यो सँगै कुल मृत्यु हुनेको संख्या ३७९ पुगेको छ।
.jpg)
