गण्डकी प्रदेशका ३ जिल्लामा आइतबार थप ११ जनामा कोरोना संक्रमण पुष्टि भएको छ।
पोखराको कास्की सेवा अस्पतालमा २ जना, पोखरा महानगरपालिका १६ मा २ जनामा संक्रमण पुष्टि भएको प्रदेश स्वास्थ्य निर्देशनालयले जानकारी दिएको छ।
पोखरा १६ मा ३१ वर्षीया महिला र ४० वर्षीय पुरुषमा कोरोना संक्रमण देखिएको हो।
यता नवलपुरको विनय त्रिवेणी नगरपालिका १ मा मात्र ३ जना महिला र ३ जना पुरुष गरी ६ जनालाई संक्रमण देखिएको गण्डकी प्रदेश स्वास्थ्य निर्देशक विनोद विन्दु शर्माले जानकारी दिए।
गोरखा नगरपालिका १ मा २८ वर्षीय पुरुषमा पनि संक्रमण पुष्टि भएको छ। गण्डकी प्रदेशमा कुल संक्रमितको संख्या १ हजार ८ सय ७० जना पुगेको छ। जसमध्ये १ हजार ६ सय ११ जना निको भएर घर फर्केका छन्।
