विपी कोइराला स्वास्थ्य विज्ञान प्रतिष्ठान धरानमा उपचारका क्रममा कोरोना संक्रमित एक महिलाको मृत्यु भएको छ।
विराटनगर २ तिनपैनीकी ५० वर्षीय महिलाको शनिबार मृत्यु भएका हो।
उनलाई विराटनगरको न्यूरो अस्पतालले शनिबार राति धरान रेफर गरेको थियो।
‘श्वासप्रश्वासमा समस्या र ज्वरो आएपछि रेफर गरेर यहाँ ल्याइएको थियो,’ प्रतिष्ठानका प्रवक्ता डाक्टर निदेश सापकोटाले भने, ‘ करिव साढे बाह्र बजे उपचारको क्रममा निधन भएको हो।’
उनका अनुसार मृतक महिलाको फोक्सो, मुटु र थाइरोइडको समस्या थियो। यही समस्याको उपचार गराउन उनी दिल्लीमा गएर फर्किएकी थिइन्।
यससँगै विराटनगरमा कोरोना संक्रमणका कारण मृत्यु हुनेको संख्या ७ पुगेको छ।
