शताब्दी पुरुष सत्यमोहन जोशीको निधन भएको छ।
ललितपुरको ग्वार्कोस्थित किष्ट मेडिकल कलेजमा उपचाररत जोशीको आइतबार बिहान निधन भएको परिवारिक स्रोतले जनाएको छ।
उनी डेंगु पुष्टि भएपछि अस्पताल भर्ना भएका थिए। १०३ वर्षको उमेरमा उनको अस्पतालमा उपचारका क्रममा निधन भएको हो।
जोशीको स्वास्थ्यमा समस्या देखिएपछि असोज ७ गतेदेखि उक्त अस्पतालको उपचार भइरहेको थियो।
पछिल्लो समय स्वास्थ्यमा थप प्रतिकूलता देखिएपछि सघन उपचार कक्ष (आईसीयू)मा राखेर उपचार भएको थियो।
