अयोध्यामा राम मन्दिर निर्माणका लागि भूमिपूजन सकिएको छ। भारतका प्रधानमन्त्री नरेन्द्र मोदी, आरएसएसका प्रमुख मोहन भागवत, उत्तर प्रदेशकी राज्यपाल आनन्दीबेन पटेल, मुख्यमन्त्री योगी आदित्यनाथ र पूजारीले भूमिपूजन गरेका हुन्।

भारतीय समय अनुसार मध्यान्न १२ बजेर ४४ मिनेट ४५ सकेन्डको शुभ साइतमा भूमिपूजन सुरू भएको थियो।

अनुष्ठानमा बस्नुअघि मोदी, भागवत र योगीले राम जन्मभूमि पूजन गरेका थिए ।

त्यसअघि मोदीले रामलला विराजमान अर्थात् श्रीरामको मूर्तिसामु दण्डवत प्रणाम गरेका थिए ।

श्रीरामको दर्शन गर्नुअघि उनले राम जन्मभूमि प्रांगणमा पारिजातको बिरुवा रोपेका थिए ।

घडामा पानी भरेर माटोमुनि पारिजातको जरानजिक राखिनेछ ।

त्यसअघि उनले हनुमानगढीमा पुगेर हनुमानको पूजन गरेका थिए।

#WATCH live: PM Narendra Modi in Ayodhya for #RamTemple foundation stone laying ceremony. https://t.co/yo5LpodbSz

— ANI (@ANI) August 5, 2020