काठमाडौंमा गत मंगलबार कमलादीमा प्रहरीकै अगाडि हातहतियार र सुनचाँदी (धातु) फ्याँकेर भागेको गाडी भेटिएको छ।

सवारी जाँच गर्ने क्रममा काठमाडौँको कमलादीमा बा ६ च ५५१९ नं को स्कारपियो गाडी रोक्न खोज्दा नरोकी गति बढाएपछि प्रहरीले गाडीको पिछा गरेको महानगरीय प्रहरी परिसरले पत्रकार सम्मेलन नै गरेर जानकारी गराएको थियो।  

उक्त गाडीमा आधा किलो सुन, दुईवटा पेस्तोल र साढे १४ किलो चाँदीको झोला फालेका थिए।

नखिपोटमा एक बन्दै गरेको घरको कम्पाउन्डभित्र छोपेर राखेको अवस्थामा गाडी भेटिएको प्रहरी उच्च स्राेतकाे भनाइ छ।

प्रहरी स्राेतका अनुसार याे घटनामा संलग्न रहेकाे आराेपमा  देवान पटेल, विजय पटेल र निलेश सखियालाई पक्राउ गरिएकाे छ। उनीहरु पूर्वी नवलपरासीको दुम्कीबास क्षेत्रबाट पक्राउ परेका हुन्।