बाजुरामा हवाई सेवा पुनःसञ्चालनमा आएको छ। 

गत चैत ११ गतेदेखि आन्तरिक उडान बन्द गरेका हवाई सेवा कम्पनीले जिल्लामा उडान पुनःसञ्चालन गरेका छन्।

सरकारको मापदण्ड पूरा गरी केही दिनदेखि उडान सुरू भएको नागरिक उड्डयन कार्यालय कोल्टीले जनाएको छ।

कार्यालयका प्रमुख श्रीकृष्ण रिजालले आरडिटी अनिवार्य गरेर मास्क, पञ्जालगायत स्वास्थ्य सुरक्षाका प्रयोग गरी उडान सुरू गरिएको बताए।

कोरोना संक्रमणबाट बच्न आवश्यक सुरक्षाका उपाय अपनाएर हवाई सेवा पुनःसञ्चालन भएको र फेरि पनि सुरक्षाका उपायमा हेलचक्र्याइँ गर्न नहुने स्वास्थ्यकर्मीको भनाइ छ।