अमेरिकामा कोरोना भाइरस (काेभिड–१९)बाट ज्यान गुमाउनेको संख्या १ लाख ४५ हजार कटेकाे छ।
शुक्रबार कोरोनाका कारण १ हजार १९ जनाको मृत्यु भएसँग अमेरिकामा ज्यान गुमाउनेकाे संख्या १ लाख ४५ हजार ३ सय ५२ पुगेकाे हाे।
अमेरिकामा कोरोनाका कारण लगातार चौथो दिन हजार बढी मानिसले ज्यान गुमाएका छन्। बिहीबार १ हजार १ सय ४० जनाको मृत्यु भएको थियो।
यस्तै बुधबार र मंगलबार त्यो संख्या क्रमशः १ हजार १ सय ३५ तथा १ हजार १ सय ४१ थियो।
टेक्सस राज्यमा बुधबार कीर्तिमानी संख्यामा २ सय ६ जनाको कोरोनाका कारण मृत्यु भएको थियो भने फ्लोरिडामा बिहीबार १ सय ७३ जनाको मृत्यु भएको छ। यस्तै बुधबार क्यालिफोर्नियामा बुधबार १ सय ५९ जनाको मृत्यु भएको छ।
यस्तै शुक्रबार त्यहाँ ६८ हजार ८ सय नयाँ संक्रमित थपिएका छन्। यो सँगै अमेरिकामा कोरोना संक्रमित संख्या ४० लाख नाघेको छ।
यता अमेरिकी राष्ट्रपति डोनाल्ड ट्रम्पको प्रशासनले विद्यालय खोल्न जोड दिरहेका छन्।
