कर्णालीमा बिहीबार थप ३० जना कोरोना भाइरसका संक्रमित थपिएका छन्।
सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला र दैलेख अस्पतालमा रहेको प्रयोगशालामा भएको परीक्षणबाट ३० जनामा कोरोना संक्रमण पुष्टि भएको हो।
पुष्टि हुने संक्रमितमध्ये दैलेखका २४ जना, सुर्खेतका ५ र सल्यानका एकजना रहेको सामाजिक विकास मन्त्रालयको स्वास्थ्य सेवा महाशाखाले जनाएको छ।
यता दैलेखको आठबीस नगरपालिका १ का दुई महिलासहित ११ जना रहेका छन्। उनीहरु ४ देखि ४१ वर्षका छन्। सोही नगरपालिकाको ७ का एकजना पुरुष संक्रमित भएका छन्।
यस्तै, दैलेखकै महाबु गाउँपालिका १ का १४ देखि ७३ वर्षका ८ जना पुरुष रहेका छन्। महाबुकै ३, ४ र ५ का ४९ देखि ७० वर्षका तीनजना पुरुष पनि संक्रमित भएका छन्। यता दैलेख डुङ्गेश्वर गाउँपालिका १ का का अर्का एकजना पुरुषमा संक्रमण पुष्टि भउकाे छ।
यस्तै सुर्खेतका संक्रमित भेरीगंगा नगरपालिका १, ४ र ८ वडाका तीनजना पुरुष र चौकुन गाउँपालिका ७ का दुई महिला रहेका छन्।
एकजना सल्यानको छत्रेश्वरी गाउँपालिका ३ का ३८ वर्षीय पुरुष रहेका छन्। यससँगै कर्णालीमा कोरोना संक्रमितकाे संख्या १८१३ पुगेको छ।
हालसम्म प्रदेशमा १५५२ जना संक्रमित डिस्चार्ज भएका छन्। बिहीबारमात्रै ६ जना डिस्चार्ज भएका हुन्।
हाल कर्णालीकाे आइसोलेसनमा रहेका संक्रिय संक्रमितको संख्या २५५ रहेको छ भने ६ जनाको मृत्यु भइसकेको छ।
