पछिल्लो २४ घण्टामा थप १५० जनामा कोरोना संक्रमण देखिएको छ।
मंगलबार स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले कोरोना भाइरस संक्रमितको संख्या १७ हजार ९९४ पुगेको जानकारी दिए।
त्यस्तै मंगलबार ६०९ जना डिस्चार्ज भएका छन्। डिस्चार्ज हुनेको संख्या हालसम्म १२ हजार ४७७ पुगेको छ। अर्थात ६९.३४ प्रतिशत निको भएका छन्।
हाल सक्रिय संक्रमितको संख्या ५ हजार ४७७ जना रहेको छ।
यस्तै हालसम्म ७ जिल्ला कोरोनाभाइरस संक्रमणमुक्त रहेको छ।
जसमा भोजपुर पाँचथर, संखुवासभा धनकुटा, रसुवा, मनाङ र मुस्ताङ जिल्ला रहेका छन्।
