भारतमा कोरोना संक्रमितको संख्या १० लाख ३९ हजारभन्दा बढी पुगेको छ।
भारतको स्वास्थ्य तथा परिवार कल्याण मन्त्रालयको तथ्यांकअनुसार पछिल्लो २४ घण्टामा मात्रै थप ३४ हजार ८ सय ८४ जनामा संक्रमण पुष्टि भएको छ।
पछिल्लो २४ घण्टामा सबैभन्दा बढी महाराष्ट्रमा ८ हजार ३ सय ८ जनामा कोरोना संक्रमण पुष्टि भएको छ।
त्यस्तै तमलिनाडुमा ४ हजार ५ सय ३८, कर्नाटकमा ३ हजार ६ सय ९३, आन्ध्र प्रदेशमा २ हजार ६ सय २ र दिल्लीमा एक हजार ४ सय ६२ जनामा कोरोना देखिएको छ।
भारतमा अहिलेसम्म कोरोनाबाट मृत्यु हुनेको संख्या २६ हजार २ सय ७३ पुगेको छ। त्यस्तै संक्रमण पुष्टि भएकामध्ये ६ लाख ५३ हजारभन्दा बढी निको भएको पनि भारतीय स्वास्थ्य मन्त्रालयले जनाएको छ।
कोरोना भाइरस संक्रमणबाट विश्वभर एक करोड ४१ लाखभन्दा बढी संक्रमित भएका छन्।
त्यस्तै विश्वभर ६ लाख २ हजारभन्दा बढीको मृत्यु भएको छ। संक्रमण पुष्टि भएकामध्ये निको हुनेको संख्या झन्डै ७९ लाख रहेको छ।
