मोरङमा ६ वर्षीया बालिका मृत अवस्थामा फेला परेकी छिन्।

कटहरी गाउँपालिका ७ बस्ने ६ वर्षीया दिक्षाकुमारी सरदार आइतबार बाँसको झ्याङमा अल्झिरहेको अवस्थामा फेला परेकी हुन्।

शनिबार दिउँसो तीन बजे जुडी खोलामा पौडी खेल्ने क्रममा सरदारलाई खोलाले बगाएको थियो। स्थानीय तथा प्रहरीले खोजी गर्दा पनि उनी फेला परेकी थिइनन्।

त्यसपछि आइतबार थलाहा ब्यारेकबाट नेपाली सेनाको २५, सशस्त्र प्रहरीको १५ जनाको टोलीले खोजी गर्दा बगेको स्थान भन्दा ३ किलोमिटर दक्षिणतिर मृत फेला परेकी हुन्। ।