गोंगबु बसपार्क नजिकै रहेको एक ग्यारेजमा आगलागी भएको छ।
मित्रनगर भन्ने स्थानमा रहेको सुपक्षी अटो वर्कशपमा बिहान करिब ३ बजेतिर आगलागी भएको प्रहरीले जानकारी दिएको छ।
आगलागीबाट ग्यारेजमा राखिएको ८ वटा बस तथा माइक्रो बस जलेको छ।
महानगरीय प्रहरी वृत महाजगञ्जका डिएसपी रोशन खड्काका अनुसार सुरुमा एउटा बसबाट सल्किएको आगो पार्किङमा रहेका अन्य बसमा पुग्दा ८ वटा बस जलेर नष्ट भएको हाे।
आगजनकी कारण बा २ ख २०८०,बा ४ ख २४०,बा ३ ख ८५८९, बा ४ ख ४०९, ग १ ख २४४६ नम्बर लगायतका बस जलेको छ।
बसमा आगो कसरी सल्कियो भन्ने खुल्न सकेको छैन। थप अनुसन्धान भइरहेको डिएसपी खड्काले जानकारी दिए।
.jpg)
