जिल्ला प्रशासन कार्यालय, काठमाडौंले उपत्यका बाहिर जान लिनुपर्ने सवारी पासको ढाँचा सार्वजनिक गरेको छ।
आइतबार सार्वजनिक गरिएकाे ढाँचामा यात्रुहरूको नाम, उमेर, स्थायी ठेगाना र सम्पर्क नम्बर लेख्नुपर्नेछ। जाने स्थान, जाने मिति, सवारी धनीको नाम, चालकको नाम उल्लेख गर्नुपर्छ।
कार्यालयले जारी गरेको ढाँचा सेवाग्राही आफैंले प्रिन्ट गरी निवेदनसहित दिनुपर्नेछ।
तर,उक्त ढाँचा कुनै स्टेशनरी पसलबाट प्रिन्ट गरेर बेच्नु परेमा ५ रूपैंयाँभन्दा बढी नलिन पनि कार्यालयले आग्रह गरेको छ।
निवेदनका साथमा जानु पर्ने स्थानीय तहको सिफारिश वा यात्रा प्रयोजन खुल्ने कागजातको फोटोकपीसमेत समावेश गर्नुपर्ने कार्यालयले जनाएको छ।
यस्तै निवेदनमा हुलाक टिकट टाँस्नु नपर्ने कार्यालयले जनाएको छ।
.jpg)
