मोरङको उर्लाबारीमा स्कोरपिओ गाडीको ठक्करबाट महिलाको मृत्यु भएको छ ।

पूर्व–पश्चिम राजमार्ग अन्तर्गत उर्लाबारी–७ मा गाडीको ठक्करबाट तेह्रथुम लालीगुराँस नगरपालिका– ९ की ३६ वर्षीय पूजा रम्तेलको मृत्यु भएको मोरङ प्रहरीका प्रवक्ता डीएसपी राजकुमार खिँउजुले बताए । उनकाअनुसार बाटोमा हिंडिरहेकी महिलालाई पश्चिमबाट पूर्वतर्फ जाँदै गरेको बा १६ च ५५३२ नम्बरको स्कोरपिओले शुक्रबार राति ८ बजे ठक्कर दिएर घाइते बनाएको थियो । 

इमरान चढेको विमानको आपतकालीन अवतरण

घाइते महिलाको उपचारका क्रममा न्युरो अस्पताल विराटनगरमा शनिबार बिहान मृत्यु भएको डीएसपी खिँउजुले बताए । स्कोरपिओ र चालक काठमाडौं दक्षिणकाली–७ का ४४ वर्षीय कृष्णमुरारी अर्याललाई पक्राउ गरेर घटनाको अनुसन्धान सुरु गरिएको प्रहरीले जनाएको छ ।