चितवन जिल्ला अदालतको निर्णयविरूद्ध पाटन उच्च अदालतको हेटौडास्थित इजलासमा कार्यक्रम प्रस्तोता रवि लामिछानेले हालेको मुद्धामा अदालतले कैफियत प्रतिवेदन झिकाउने आदेश गरेको छ।
पत्रकार सालिकराम पुडासैनी आत्महत्या प्रकरणमा रवि र युवराज कँडेललाई जिल्ला अदालतले ५ लाख र ३ लाख धरौटीमा रिहा गरेको थियो। यस्तै, रविलाई विदेश जाँदा अदालतको स्विकृति लिनुपर्ने तथा मृतक सालिकरामसँग जोडिएको कुनै कार्यक्रम चलाउन नपाउने आदेश गरेको थियो।
रवि र कँडेलले आफूमाथि जिल्ला अदालतले दिएको फैसला पुनर्विचार होस् भनि उच्च अदालतमा मंगलबार निवेदन दिएका थिए। उनीहरूको निवेदनमाथि सुनुवाई गर्दै अदालतले जिल्लाको मुद्धा र आदेशको सक्कल विवरण झिकाउन आदेश दिएको हो।
पत्रकार सालिकराम पुडासैनी आत्महत्या दुरुत्साहनको अभियोगमा जिल्ला अदालत चितवनले भदौं ९ मा फैसला गरेको थियो। दुबै धरौटीमा पैसा दिएर छुटेका थिए।
याे पनि हेर्नुहाेस।
.jpg)
