काठमाडौंको बालाजु औद्योगिक क्षेत्रमा  बिहिबार आगलागी भएको छ। औद्योगिक क्षेत्र भित्रको फोर्स मोटर ग्यारेजमा बिहीबार बिहान साढे ११ बजे आगलागि भएको प्रहरीले जनाएको छ।

आगलागीबाट ४ वटा नयाँ गाडी र एउटा मोटरसाइकल पूर्ण रूपमा क्षतिग्रस्त भएका छन्। त्यसैगरी मर्मतको क्रममा रहेको सशस्त्र प्रहरी बलको एम्बुलेन्स पनि क्षतिग्रस्त भएको छ ।

सशस्त्र प्रहरी बलको एम्बुलेन्स मर्मत गर्ने क्रममा ग्यास लिक भएर आगलागी भएको प्रहरीले प्रारम्भीक अनुमान गरेको छ। आगलागीबाट झण्डै डेढ करोड रुपैयाँभन्दा बढीको क्षति भएको अनुमान गरिएको छ।

आगलागी काठमाडौं महानगरपालिका र नेपाली सेनाका दमकलको नियन्त्रणमा लिएको थियो।