पर्सामा एक श्रीमानले आफनै श्रीमतीलाई धारिलो हतियारबाट घाटी रेती हत्या गरेको समाचार प्राप्त भएको छ ।
कालिकामाई गाउपालिका ५ सेमरा टोल निवासी मुक्तिनारायण पटेलले आफनै श्रीमती ३० बर्षीय संगीता देवीको हत्या गरि फरार भएको गाउलेहरुले जानकारी दिएका छन्। हत्यापछि श्रीमान लगायत अन्य परिवार पनि फरार छन्।
मासु काटने दाबियाले उनको घाटीमा प्रहार गरेको देखिन्छ। घरमा सासु तथा मृतक संगीताको ३वटा बच्चाहरु अहिलेपनि घरमा रहेको ईलाका प्रहरी कार्यालय पोखरियाले जानकारी दिएको छ।
श्रीमान लामो समयदेखी वैदेशीक रोजगारीमा विदेश छन्। १ महिना अघि उनी आफनो घर फर्केको गाउलेहरुले जानकारी दिएका छ। बिहीबार साँझ ७ बजे घटना बारे छिमेकीले थाहा पाएपछि प्रहरीलाई खबर गरेका थिए।
घटना स्थलमा प्रहरी पुगी अनुसन्धान सुरु गरि सकेको ईलाका प्रहरी कार्यालय पोखरियाका प्रहरी निरिक्षक चन्द्र सिहले जानकारी दिए। सासु काम बिशेषले घर बाहिर रहेको र उनी घर फर्कदा घटनाबारे छिमेकीलाई जानकारी दिएको बुझिएको छ।
प्राप्त जानकारी अनुसार श्रीमान आएदेखी नै घरमा दैनिक झैझगडा हुने गरेको प्रत्यदशीहरुको भनाई छ। सोही गाउँपालिका ३ हरिहरपुरमा माईती रहेको संगीताको अन्य परिवार पनि घटना स्थलमा पुगिसकेको प्रहरीले जानकारी दिएको छ। मृतक संगीताको शवलाई पोष्टमर्टमका लागि नारायणी अस्पतालमा ल्याएको प्रहरीले जानकारी दिएको छ।
.jpg)
