भक्तपुरको मध्यपुर ठिमीमा एउटा यात्रुबाहक बसले ३ वटा अन्य बसलाई ठक्कर दिएको छ। प्रहरीका अनुसार गठ्ठाघरको आकाशे पुल मुनि एउटा बसले अन्य तीनवटा बसलाई ठक्कर दिदा एकै पटक चार वटा बस ठोकिएका हुन्।

घटनामा १५ जना यात्रु घाईते भएको महानगरीय ट्राफिक प्रहरी महाशाखाका प्रमुख एसएसपी बसन्त पन्तले जानकारी दिए।

उनका अनुसार काठमाडौंबाट सोलु जाँदै गरेको बा ४ ख ५७९४ नम्बरको बसले अन्य २ बस र १ माईक्रो बसलाई ठक्कर दिएको थियो। घाइतेमध्ये १३ जनाको नागरिक अस्पताल र २ जनाको मध्यपुर अस्पतालमा उपचार भइरहेको प्रहरीले जनाएको छ।

ठक्कर दिने बस र चालकलाई नियन्त्रणमा लिएर अनुसन्धान थालेको प्रहरीले जनाएको छ।