काठमाडौं । ललितपुरको नख्खु कारागारमा कैदीबन्दीबीच आपसमा झडप हुँदा एक जनाको मृत्यु भएको छ।
शुक्रबार अपरान्ह करिब १ बजे भएको झडपमा नख्खु कारगारमा जेल जीवन बिताइरहेका पूर्णबहादुर राजीवको मृत्यु भएको ललितपुर प्रहरीका प्रमुख एसएसपी रविन्द्र धानुकले बताए।
धानुकका अनुसार जबरजस्ती करणी मुद्दाका दोषी पूर्णबहादुर राजीवमाथि ज्यान मुद्दाका कैदीबन्दीले आक्रमण गरेका थिए।
घटनास्थल पुगेको प्रहरीको टोलीले आक्रमणकारीलाई नियन्त्रणमा लिइएको धानुकले बताए। घटनाबारे थप विवरण आउन बाँकी छ।
.jpg)
