लन्डन । बेलायतमा एक मोडल यतिबेला निकै चर्चामा छिन्। ४९ वर्षीय पूर्व स्विमसुट मोडल एलिजाबेथ होडले कुकुरसँग विवाह गरेपछि उनलाई मन पराउनेहरू निकै दुःखी भएका छन्।

कुकुरसँग भएको यो विवाह टेलिभिजनबाट पनि प्रसारण भएको थियो। एलिजाबेथले केही वर्षयता २ सय बढी लोग्ने मान्छेसँग डेटिङ गरेकी थिइन। तर, मनपर्ने साथीको खोजीमा असफल भएपछि उनले ६ वर्षको आफ्नै कुकुरसँग विवाह रचिन्।

एलिजाबेथको २५ वर्षीय छोरा पनि छ। एलिजाबेथले आफ्नो कुकुर लोगानसँग विवाह गरेपछि प्रतिक्रिया दिँदै भनिन्, ‘अब मलाई पुरुषको आवश्यकता छैन। म बाँकीको जिन्दगी आफ्नो कुकुरसँग बिताउन चाहन्छु।’

६ वर्षको लोगन गोल्डन रिट्रिवर प्रजातिको कुकुर हो। विवाहको दिन लोगनले रिस्टब्यान्ड र एलिजाबेथले विवाहको गाउन लगाएकी थिइन।

एलिजाबेथको अचम्मको विवाहमा २० जनालाई आमन्त्रण गरिएको थियो। रमाइलो कुरा, विवाहपछि उनीहरू हनिमुनमा निस्किन लागेका छन्। एलिजाबेथले हनिमुनका लागि कुकुरमैत्री होटल बुकिङ गर्न लागेको जानकारी दिइन।

कुकुरसँग विवाह गर्नुअघि एलिजाबेथले दुई जना केटासँग ‘इंगेजमेन्ट’ गरेकी थिइन। तर, दुवै विवाह पूर्व नै टुटेको थियो।

एलिजावेथले पुरुषहरू सँग दिक्क लागेर कुकुरसँग विवाह गरेको बताएकी छिन्। उनले लोगन आफूसँग कहिल्यै छुट्टिएर नबसेको हुनाले उनीसँग विवाह गरेको बताइन्।