पथरी । मोरङको पथरीशनिश्चरे १० मा बिहिबार यात्रुबाहक बस र पिकअप एक आपसमा ठोक्किँदा २ जनाको मृत्यु हुनुका साथै ३० जना घाइते भएका छन्।
मृत्यु हुने २ पुरूषमध्ये एक जनाको घटनास्थलमै र बसका सहचालक कानेपोखरी ३ का ३१ वर्षीय टीकाराम थापाको नोवेल अस्पतालमा उपचारका क्रममा ज्यान गएको हो।
घटनास्थलमै मृत्यु भएका एकको नाम र ठेगाना खुलिनसकेको इलाका प्रहरी कार्यालय पथरीका डीएसपी लक्ष्मीराज अधिकारीले बताए।
उर्लाबारी मंगलबारे अस्पतालमा रहेका करिब ३० वर्षीय जस्तो देखिने युवाको अनुहार किच्चिएर नचिनिने अवस्थामा रहेको छ।
कानेपोखरीको बिहीबारेबाट यात्रु लिएर पूर्वतर्फ जाँदै गरेको को.१ ख ४८४२ नम्वरको बस र पथरी बजारको सब्जीबजारबाट पूर्वपश्चिम सडकतर्फ निस्किएको मे.१ च ५३९१ नम्वरको पिकअप बिहान ९:१० बजेको समयमा आपसमा ठक्कर खाएर दुर्घटना भएको हो।
तिब्र गतिमा रहेको बस र पिकअप ठोक्किदा बस सडकमा पल्टिएको थियो । बस र पिकअपको अगाडीको भाग पूर्णरुपमा कुच्चिएको छ। बसका सवै सिसाहरु फुटेको र अगाडिको चक्का समेत निस्किएको छ।
कानेपोखरी नारायण चोककी खिलमाया लिम्बू, कानेपोखरी ३ का मित्र दहालका छोरा नाम नखुलेका व्यक्ति सहित १० जनालाई नोवेल र न्यूरो अस्पताल विराटनगर रेफर गरिएको प्रहरीले जनाएको छ।
कानेपोखरी ३ का अविगेस राई र तारा लिम्बू, कानेपोखरी ५ की कविसा दहाल, कानेपोखरी ४ का सरण राई र नगेन्द्र कार्की, पथरीशनिश्चरे ५ की सीता खतिवडाको पथरीस्थित मोरङ हस्पिटलमा उपचार भइरहेको छ ।
झापा हल्दिवारीका टेकबहादुर भुसाल, विर्तामोडका अविशेक कार्की, श्याम कार्की, विर्तामोड ४ का जीवन बराइली, उर्लावारी ५ की इन्द्रमाया गुरुंग, डीवी माझी, ठेगाना नखुलेका होमबहादुर कटुवाल, प्रविना भट्टराई, सुकदेव धिमाल, प्रेमबहादुर कार्की, निर्मला गिरी सहित घाइते रहेको पथरी अस्पतालले जनाएको छ।
.jpg)
