विगत तीन दिनदेखि परिरहेको बर्षाका कारण १२ वटा राजमार्ग अवरुद्ध भएको गृह मन्त्रालयले जानकारी दिएको छ।

मन्त्रालयले शनिबार सार्वजनिक गरेको विज्ञप्ती अनुसार काभ्रेमा बीपी राजमार्ग, पूर्व–पश्चिम राजमार्ग, सुनसरी रामधुनी ६ स्थित राजमार्ग, धनकुटा–पाख्रिबास राजमार्ग, उदयपुर–रौतामाई राजमार्ग, खोटाङ–हलेसी–तुवाचुङ राजमार्ग, ओखलढुङ्गा–मनेभञ्याङ राजमार्ग, सिन्धुली–गोलजोर, रामेछाप–मन्थली, ललितपुरबाट हैटौडा राजमार्ग, लम्जुङ–मनाङ र बेनि–मुस्ताङ राजमार्ग अवरुद्ध भएका छन्।

मन्त्रालयले सामाजिक सञ्जालमार्फत यात्रुहरूलाई जानकारी पनि दिएको छ। मन्त्रालयले अवरुद्ध भएका राजमार्ग खुलाउन सुरक्षाकर्मीहरू प्रयासरत रहेको पनि बताएको छ।