भारतको राजधानी नयाँ दिल्लीमा ५ वर्षयताकै सबैभन्दा गर्मी भएको छ। सोमबार नयाँ दिल्लीको तापक्रम ४८ डिग्री पुगेपछि यसले सन् २०१४ को रेकर्ड गर्मीलाई पनि पछाडि पारेको हो।
सन् २०१४ मा दिल्लीको तापक्रम ४७ दशमलव ८ डिग्री पुगेको थियो। जुन १० मा दिल्लीको तापक्रम अघिल्लो दिनभन्दा ८ डिग्रीले माथि उक्लेको थियो। यसपालि ३१ मेमा दिल्लीको सफदरजंगमा ४४ दशमलव ८ र ३० मेमा पालममा ४६ दशमलव ८ डिग्रीसम्म गर्मी मापन गरिएको थियो।
मौसम विभागले दिल्लीमा मनसुन परिवर्तन हुन अझै समय लाग्ने बताएको छ। यसको अर्थ केही दिन दिल्लीमा गर्मी घट्ने सम्भावना न्युन छ।
सोमबार दिल्लीभन्दा बाहिर नायडा, गुरुग्राम, फरिदाबाद र गाजियाबादमा पनि ४५ डिग्री तापक्रम मापन गरिएको थियो।
राजस्थान र धौलपुरमा गर्मी ५१ डिग्रीसम्म पुगेको बताइएको छ।
.jpg)
