रुपन्देहीको देवदहमा एक युवकको हत्या भएको छ । शनिबार राति देवदह नगरपालिका–८, विशालनगरका २८ वर्षीय सुमन थापाको हत्या भएको जिल्ला प्रहरी कार्यालय रुपन्देहीले जनाएको छ ।
एक समुहको कुटाईबाट गम्भीर घाईते भएका थापाको देवदह मेडिकल कलेजमा उपचारकै क्रममा मृत्यु भएको प्रहरीले जनाएको छ ।
उक्त घटनामा संलग्न ५ जनालाई प्रहरीले पक्राउ गरेको छ ।
पक्राउ परेका ५ जनालाई प्रहरी थुनामा राखि आवश्यक अनुसन्धान अघि बढाएको प्रहरीले जनाएको छ ।