डा. गणेश राई कान्ति बाल अस्पतालको निर्देशक बनेको दुई वर्ष भयो । नियुक्तिअघि नै उनलाई थाहा थियो, नदुखेको टाउको दुखाउने पद हो यो । लामो बेथितिले गिजोलेको अस्पताल कुनै व्यक्ति वा उसको सानो टिमले सुधार्न सम्भव छैन भन्ने पनि उनलाई थाहा थियो । उनको अनुभव पनि त्यस्तै छ ।
प्रस्तुत छ, निर्देशक डा. राईसँग अनलाइखबरकर्मी सागर बुढाथोकीले गरेको कुराकानी :
तपाईले गंगालाल हृदयरोग केन्द्र र मनमोहन कार्डियोथोरासिक भास्कुलर ट्रान्सप्लान्ट सेन्टरसँग कान्तिको तुलना गर्नु भएको हो भने त्यो अन्याय हुन्छ ।
हामी अहिले बसिरहेको निर्देशकको भवन ५७ वर्ष पुरानो हो । अहिले पानी परेको भए तपाईले छाता ओढेर मसँग कुरा गर्नुपर्थ्यो । भित्ताहरु चर्किएको, ट्वाइलेटको हालत पनि देख्नुभयो नै होला । यो सब ५७ वर्षअघिको जनसंख्यालाई लक्षित गरेर बनाइएका हुन् । जनशक्ति र उपकरणको कुरा पनि यही हो ।
अर्को कुरा, कान्तिमा एकजना स्टाफ नर्सले मासिक २३ हजार तलब पाउँछ । त्यही नर्सले मोनमोहनमा ४१ हजार र गंगालालमा ४५ हजार रुपैयाँ बुझ्छ । यहाँ मेडिकल अफिसरको तलब ३५ हजार छ भने त्यता ८० हजार । यहाँ पनि चिकित्सा विज्ञान राष्ट्रिय प्रतिष्ठान -न्याम्स)को पढाइ हुन्छ, बालरोग विशेषज्ञ उत्पादन हुन्छन्, तर वीरमा पढाउनेले न्याम्सको भत्ता पाउछन्, यहाँ पढाउनेले पाउँदैनन् । यही कारण यहाँका कर्मचारी पनि वीर या टिचिङमा जान मरिहत्ते गर्छन् ।
