‘पेट केयर’ अर्थात् घरपालुवा पशु स्याहारको उद्योग बढ्दो छ। विश्वभरि नै मानिसहरू विशेष गरी ‘मिलेनियल्स’ले मानव सन्तान र पशुबीचको भिन्नता साँघुरो बनाइरहेका छन्।
सन् २०१८ मा उत्तर अमेरिकाको ‘पेट केयर’ व्यापार सवा दुई खर्ब अमेरिकी डलर भएको ‘एज बाइ एसेन्सल’ नामक बजार अनुसन्धान कम्पनीको तथ्याङ्कले देखाएको छ। सन् २०२३ सम्म ‘पेट केयर’को व्यापार दुई खर्ब ८१ अर्ब अमेरिकी डलर पुग्ने कम्पनीको अनुमान छ।
घरपालुवा जनावरको ‘ह्युमनाइजेसन’लाई ठूला ‘ब्रान्ड’ले ‘क्यास–इन’ गरिरहेका छन्। ‘पेटको’ले ‘स्टोर’हरूमा ‘किचन’ खोल्दैछ। त्यस्ता ‘किचन’बाट ग्राहकले आफूले पालेका जनावरका लागि ‘सेफ’ बनाएका खाना खरिद गर्न सक्नेछन्।
