भारतीय दूतावासले नेपालका १० स्थानीय तहलाई सहयोग गर्ने
नेपालको संघीय मामिला तथा सामान्य प्रशासन मन्त्रालय र भारतीय दूतावासबीच नेपालका विभिन्न स्थानीय तहलाई सहयोग गर्ने सम्झौतापत्रमा हस्ताक्षर भएको छ। मंगलबार संघीय मामिला तथा सामान्य प्रशासन मन्त्रालयका सहसचिव कालिप्रसाद पराजुलीले संचारकर्मीहरूसँग कुरा गर्दै १० वटा स्थानीय तहहरूसँग त्रिपक्षीय सम्झौता भएको बताए। उनले भने, ‘नेपाल सरकार र भारत सरकारबीच विभिन्न स्थानीय तहका शिक्षा, स्वास्थ्य लगायतका विभिन्न प्रोजेक्टहरूको सम्झौता पत्रमा हस्ताक्षर गरेका छौं। १० ओटा स्थानीय तहहरूसँग त्रिपक्षीय सम्झौता भएको छ। म भारत सरकारलाई हार्दिक धन्यवाद दिन चाहन्छु।’
बिएल संवाददाता - काठमाडौं
