शिक्षक आन्दोलनमा ऐक्यवद्धदा जनाउन पुगेको नेकपा एकीकृत समाजवादीका शीर्ष नेताहरूविरुद्ध शिक्षकहरूले नाराबाजी गरेका छन्।

सोमबार शिक्षक आन्दोलनलाई साथ दिन भन्दै अध्यक्ष माधवकुमार नेपाल, सम्मानित नेता झलनाथ खनाल, वरिष्ठ उपाध्यक्ष राजेन्द्र पाण्डेलगायतका नेताहरू नयाँबानेश्वर पुगेका थिए।

तर शिक्षकहरूले उल्टै उनीहरूविरुद्ध औंला उठाउँदै नाराबाजी गरेपछि अपमानित हुँदै उनीहरू आन्दोलनस्थलबाट फर्किएका छन्।

शिक्षकहरूले नाराबाजी गरेपछि एसका नेताहरूलाई प्रहरीले स्कर्टिङ गरेर आन्दोलनस्थलबाट निकालेको थियो। शिक्षकहरूले बिजुलीबजारसम्म नाराबाजी गर्दै पछ्याए।

शिक्षकहरूले ‘कोही नेता आउनुपर्दैन’ भन्दै नाराबाजी गरेका थिए। आन्दोलनमा आउनुभन्दा संसदमा प्रभावकारी भूमिका खेल्न शिक्षकहरूको माग थियो।