सरकारले उद्योग वाणिज्य प्रवर्धन परिषद् आदेश २०८२ स्वीकृत गरेको छ। बुधबार मन्त्री परिषद्को बैठकको निर्णय सार्वजनिक गर्दै सञ्चार तथा सूचना प्रविधिमन्त्री मन्त्री तथा प्रवक्ता पृथ्वी सुब्बा गुरुङले उद्योग वाणिज्य प्रवर्धन परिषद् आदेश, २०८२ स्वीकृत गर्ने निर्णय गरेको जानकारी दिएका हुन् ।
बिएल संवाददाता - काठमाडाैं
नेपाली राष्ट्रिय क्रिकेट टोलीका उपकप्तान दीपेन्द्र सिंह ऐरीले प्रहरीबाट राजीनामा दिएका छन्। प्रहरी सहायक हवल्दार पदमा रहेका उनले राजीनमा दिएका हुन्।
बिएल संवाददाता - काठमाडाैं
अर्थ समितिका सभापति सन्तोष चालिसेले आर्थिक विधेयक विचाराधीन रहेको अवस्थामा सुनचाँदी व्यवसायीहरुले कर सम्बन्धी प्रावधानमा निवेदन दिदाँ समितिले निर्देशन जारी गर्नु सान्दर्भिक नरहेको बताएका छन्।
बिएल संवाददाता - काठमाडाैं
विशेष अदालतमा पूर्वप्रधानमन्त्री तथा नेकपा एकीकृत समाजवादी पार्टीका अध्यक्ष माधव नेपालको बयान सकिएको छ। बयानपछि अब उनको थुनछेक बहस सुरु भएको छ। नेपालको पक्षमा १०० भन्दा धेरै वकिलहरूले बहस गर्दैछन्। वरिष्ठ अधिवक्ताहरू शम्भु थापा, गोविन्द बन्दी, रमणकुमार श्रेष्ठ, टीकाराम भट्टराई, चन्द्रकान्त ज्ञवालीलगायत १०० भन्दा धेरै वकिलहरूले माधव नेपालको पक्षमा बहस गर्नेछन्।
बिएल संवाददाता - काठमाडौं
नेपाल पर्यटन बोर्डका प्रमुख कार्यकारी अधिकृत (सीइओ) दीपकराज जोशीले पर्यटन क्षेत्रमा लगानी बढे पनि अपेक्षाकृत रूपमा विदेशी पर्यटकको सङ्ख्या बढ्न नसकेको बताएका छन्।
बिएल संवाददाता - काठमाडाैं
नेपाली सेना, नेपाल प्रहरी, सशस्त्र प्रहरी बलसहित काठमाडौं महानगर प्रहरी बलले बागदरबार सुन्धारामा विपद् व्यवस्थापनसम्बन्धी संयुक्त अभ्यास प्रदर्शन गरेको छ।
बिएल संवाददाता - काठमाडाैं
नेकपा माओवादी केन्द्रका अध्यक्ष तथा प्रमुख प्रतिपक्षी दलका नेता पुष्पकमल दाहाल ‘प्रचण्ड’ ले संसदीय समितिबाट सर्वसम्मत रूपमा पारित भएका विधेयकहरू प्रतिनिधिसभामा पेश हुँदा चलखेल र छेडखानी हुने प्रवृत्तिप्रति रहेको बताएका छन्। बुधबार बसेको प्रतिनिधिसभा अन्तर्गतको राज्य व्यवस्था तथा सुशासन समितिको बैठकमा उनले नेपाल प्रहरी सम्बन्धी कानुनलाई संशोधन तथा एकीकरण गर्न बनेको विधेयकमाथिको छलफलमा सहभागी हुँदै उनले यस्तो बताएका हुन्।
बिएल संवाददाता - काठमाडाैं
श्रम, रोजगार तथा सामाजिक सुरक्षा मन्त्री शरतसिंह भण्डारीले सुरक्षित र मर्यादित आप्रवासन सरकारको साझा प्रतिबद्धता भएको बताएका छन्। बुधबार सुरक्षित, मर्यादित र व्यवस्थित आप्रवासनका लागि आयोजित एशिया गल्फ कोअपरेसन कन्ट्री र एसिया (जीसीसी) संवादको उद्घाटन सत्रमा बोल्दै मन्त्री भण्डारीले सुरक्षित, व्यवस्थित र नियमित आप्रवासनको कार्यान्वयनमा सबै साझेदार राष्ट्रहरूलाई सहयोग र सहकार्यको लागि आव्हान गरेका हुन्।
बिएल संवाददाता - काठमाडाैं
अख्तियार दुरुपयोग अनुसन्धान आयोगले गत जेठ २२ गते नेपालसहित पतञ्जली जग्गा हिनामिना प्रकरणमा जोडिएका प्रतिवादीहरूविरुद्ध विशेष अदालतमा मुद्दा दायर गरेसँगै उनको सांसद पद स्वतः निलम्बन भइसकेको छ। अख्तियारले नेपालसहित ९३ जनालाई उक्त जग्गा प्रकरणमा दोषी रहेको भन्दै मुद्दा दायर गरेको छ।
बिएल संवाददाता - काठमाडौं
एकीकृत समाजवादीका अध्यक्ष तथा पूर्वप्रधानमन्त्री माधव नेपाल आज विशेष अदालतलमा उपस्थित हुँदैछन्। पचासजनाभन्दा धेरै वकिलहरूसहित अदालत जान लागेका नेपालका हकमा आजै थुनछेक बहस हुने पनि बताइएको ५। यद्यपि उनीविरुद्ध दायर भएको भ्रष्टाचार मुद्दा विशेष अदालतले तामेली गरिसकेको छैन। तर उनका वकिलहरूले त्यसअघि नै अदालतमा उपस्थित हुन पाउँ भनेर निवेदन दिएका थिए। र अदालतले अनुमति दिएको थियो। अख्तियार दुरुपयोग अनुसन्धान आयोगले केही दिनअघि नेपालसहित पतञ्जली जग्गा हिनामिना प्रकरणमा जोडिएका प्रतिवादीहरूविरुद्ध विशेष अदालतमा मुद्दा दायर गरेसँगै उनको सांसद पद स्वतः निलम्बन भइसकेको छ। अख्तियारले नेपालसहित ९३ जनालाई उक्त जग्गा प्रकरणमा दोषी रहेको भन्दै मुद्दा दायर गरेको छ।
बिएल संवाददाता - काठमाडौं
पेन्टागनले अमेरिकाले आक्रमण गरे पनि त्यहाँका संरचना र उत्पादनहरू नष्ट नगर्न नसकिएको भनेको छ। उक्त गुप्त रिपोर्टका अनुसार फोर्दोको भूमिगत प्रशोधन केन्द्र इरानले पहिला नै खाली गरिसकेको थियो र नतान्ज अनि इस्फहानजस्ता प्रशोधन केन्द्रहरू बलियोगरी बन्द गरिएका थिए। जसका कारण कुनै सामग्री नष्ट भएको छैन। अमेरिकी बमहरू तिनका भित्तामा मात्रै बज्रिएका थिए।
बिएल संवाददाता - काठमाडौं
रौतहटमा सेफ्टिक ट्यांकीमा खसेर दुई बालबालिकाको मृत्यु भएको छ। रौतहटको चन्द्रपुर नगरपालिका १० निबुवा टोलका गरिमा साहका छोरा एक वर्षीय रञ्जे साह र जगदीश साहकी एक वर्षीया छोरी खुश्बु साहको मृत्यु भएको हो।
बिएल संवाददाता - राैतहट
तनहुँको भिमाद नगरपालिका–९ को भानुमति जौपानीको १०० रोपनी क्षेत्रफलमा सामूहिक अबकरे खुर्सानीखेती सुरु गरिएको छ। मुख्यमन्त्री जलवायुमैत्री नमुना कृषक समूहमार्फत अकबरे खुर्सानीखेती गरिएको भानुमति कृषक समूहका अध्यक्ष इमान थापाले जानकारी दिए।
बिएल संवाददाता - तनहुँ
हाल देशभर मनसुनी वायुको प्रभाव रहेको छ। मौसम पूर्वानुमान महाशाखाका अनुसार हाल देशभर आंशिक देखि साधारणतया बदली रहेको छ। कोशी प्रदेश, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरूमा हल्का देखि मध्यम वर्षा भइरहेको छ।
बिएल संवाददाता - काठमाडौँ
राष्ट्रियसभा सदस्य एवं नेपाली कांग्रेसका मुख्यसचिव कृष्णप्रसाद पौडेलले डेङ्गी रोग नियन्त्रण अभियानलाई थप प्रभावकारी बनाउन सरकारको ध्यानाकर्षण गराएका छन्। राष्ट्रियसभाको बैठकमा पौडेलले स्वास्थ्य सेवा विभागका अनुसार २०८१ पुस १८ देखि हालसम्म एक हजार चार सय तीन जना डेङ्गी संक्रमित भएका तथ्याङ्क प्रस्तुत गर्दै महामारीको सम्भावनालाई समय हुँदै नियन्त्रण गर्न माग गरेका हुन्। सांसद् पौडेलले हरेक दिन एक/दुई जना डेङ्गी संक्रमित उपचारका लागि आउने गरेको र संक्रमण ७३ जिल्लामा फैलिसकेको जानकारी गराए।
बिएल संवाददाता - काठमाडौं
भक्तपुरको साँगामा रहेको कैलाशनाथ महादेव मूर्तिलाई विश्वकै अग्लो शिव मूर्ति मानिन्छ। यो मन्दिर भक्तपुर र काभ्रेपलाञ्चोकको दोसाधमा अवस्थित छ। यो मन्दिर तामा, स्टिल, जिन्क र सिमेन्टले बनाइएको छ। यो मन्दिरदेखि काठमाडौं उपत्यका र अग्ला हिमश्रृखलाहरूको मनोरम दृश्य अवलोकन गर्न सकिन्छ।
बिएल संवाददाता - भक्तपुर
सशस्त्र प्रहरी बल नेपालको सहायक निरीक्षक (असई) पदमा नाम निकालिदिने भन्दै ठगी गरेको आरोपमा प्रहरीले एक पुरुषलाई पक्राउ गरेको छ। पक्राउ पर्नेमा काठमाडौं महानगरपालिका-१५ का ४७ वर्षीय सोम कौशिक क्षेत्री छन्। उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो।
बिएल संवाददाता - काठमाडौं
ललितपुर महानगरपालिकाले आगामी आर्थिक वर्ष ०८२/०८३ का लागि सात अर्व ४७ करोड ४१ लाख ४७ हजार बराबरको बजेट विनियोजन गरेको छ। मंगलबार महानगरपालिकाको सातौं नगर सभामा उपप्रमुख मञ्जली शाक्य बज्रचार्यले बजेट प्रस्तुत गरिन्। उनले यस वर्षको बजेट समावेशी, नीतिलाई सम्बोधन गर्ने र सबैको अपनत्व हुनेगरी ल्याउने कोसिस गरेको बताइन्।
बिएल संवाददाता - ललितपुर
प्रधानमन्त्री केपी शर्मा ओलीले ‘टेक एण्ड पे’ राम्रो गर्नको लागि ल्याइएको तर नराम्रो गर्ला जस्तो लागेर हटाइएको बताएका छन्। मंगलबार बसेको प्रतिनिधि सभाको बैठकमा उठेको प्रश्नको जवाफ दिँदै उनले यस्तो बताएका हुन् । उनले भने, ‘टेक एण्ड पे’ राम्रो गर्नको लागि ल्याइएको थियो, नराम्रो गर्ला कि जस्तो लाग्यो, हटाइयो।’ सोमबार सत्ता पक्षका शीर्ष नेताहरूबीचको छलफलबाट ‘टेक एण्ड पे’ हटाउने निर्णय भएको थियो।
बिएल संवाददाता - काठमाडौं
प्रतिनिधिसभाबाट विनियोजन विधेयक पारित भएको छ। मंगलबार बसेको प्रतिनिधिसभाको बैठकमा अर्थमन्त्री विष्णु पौडेलले ‘विनियोजन विधेयक २०८२ लाई पारित गरियोस्’ भनि प्रस्तुत गरेको प्रस्तावलाई बहुमतले पारित गरेको हो। त्यस्तै, प्रतिनिधिसभामा विनियोजन विधेयक, २०८२ मा विभिन्न मन्त्रालयका विभिन्न शीर्षकमा सांसदहरूले राखेका खर्च कटौतीका सबै प्रस्ताव अस्वीकृत भएका छन्।
बिएल संवाददाता - काठमाडौं
१ .
२ .
३ .
४ .
५ .
